"Qarabağ"la adlarımız eyni olduğundan, onları qardaşlarımız kimi görürük" - MÜSAHİBƏ
Avstriyanın 3-cü liqasında mübarizə aparan “Qarabağ Vyana” klubunun transfer məsələləri və aşağı yaş qrupları üzrə komandaların məsul şəxslərindən olan Murat Saffin müsahibəsini təqdim edirik:
- “Qarabağ Vyana” necə yarandı?
- Bu komandanın əsası 2008-ci ildə qoyulub. Klubun prezidenti Orxan Vəliyev, baş meneceri Ramin Şükürov, maliyyə meneceri isə Sənan Əhmədzadədir. Yarandığı ildən bu yana hər mövsüm çempion olaraq, növbəti diviziona yüksələn “Qarabağ Vyana” hazırda 3-cü liqada mübarizə aparır.
- Əsas hədəfləriniz nədən ibarətdir?
- Klubu gücümüz çatan qədər daha yuxarılara qaldırmaq istəyirik. Aşağı yaş qruplarımız 3 ildir fəaliyyət göstərir. Bu mövsüm üçün əsas hədəfimiz 2-ci liqaya çıxmaqdır. Daha sonra orada möhkəmlənib, Premyer Liqaya yüksəlmək niyyətindəyik.
- Komandanın adını niyə məhz “Qarabağ” qoymusunuz? Bunun tarixçəsini açıqlaya bilərsiniz?
- Yaxşısı budur, siz bunu klub prezidentindən soruşun.
- Ümumiyyətlə, klubun adının “Qarabağ” olması siyasi məna da daşıyır?
- Yox, bizim siyasi olaraq heç nə ilə bir bağlılığımız yoxdur. Bunu əslində klub prezidentindən soruşsanız, o, sizə daha yaxşı izah edər. Əsas məqsədimiz uğur qazanmaq, istedadlı gəncləri futbola qazandırmaqdır.
- Avstriyada “Qarabağ” adlı futbol klubu yaratmaq ideyası ortaya çıxanda bu məsələ ölkədə necə qarşılandı?
- Heç bir etiraz olmadı. Ümumiyyətlə, Avstriyada “Qalatasaray Vyana”, “Beşiktaş Vyana”, “Trabzonspor Vyana” kimi komandalar var. Ona görə də qarşımıza heç bir əngəl çıxmadı.
- Bu komanda həm də Vyananı təmsil edir. “Qarabağ Vyana” paytaxtda nə dərəcədə tanınır?
- 3-cü liqaya çıxdıqdan sonra Vyanada bizi daha yaxşı tanıyırlar. Bundan sonra 2-ci liqaya vəsiqə qazanıb, adımızdan daha çox söz etdirmək istəyirik.
- “Austriya”, “Rapid” daha məşhur klublardır. Maddi imkanlarınız həmin klubların səviyyəsinə çatmağa imkan verirmi?
- Bizə həm klub prezidenti pul ayırır, həm də sponsorluq müqavilələrindən gəlir götürürük. Düşünürəm ki, gələcəkdə “Rapid”, “Austriya” kimi klubların səviyyəsinə çata bilərik.
- “Qarabağ Vyana” ilə Azərbaycanın birinci divizionunda çıxış edən “Xəzər” klubunun sponsorlarının eyni olduğu söylənilir...
- Bunu mən tam olaraq bilmirəm. Prezidentlər bir-birilərini tanıyırlar.
- Azərbaycanda da bir “Qarabağ” klubu var...
- Onlarla bir bağlılığımız yoxdur. Amma adlarımız eyni olduğundan, onları qardaşlarımız kimi görürük. Uğurlarını izləyirik və çox sevinirik.
- Komandanızda 2 azərbaycanlı futbolçu – Elvin Bədəlov və Dmitri Nağıyev çıxış edir. Gələcəkdə onların sayı arta bilərmi? Marqlandığınız başqa azərbaycanlı oyunçular var?
- Əlbəttə, maraqlandığımız futbolçular var. Gələcəkdə də bizdə azərbaycanlı uşaqlar oynayacaqlar. Yaxşı oyunçudursa, baş məşqçimiz də bəyənərsə, niyə də olmasın? Hazırda heyətimizdə 2 rus, 2 azərbaycanlı, 1 hollandiyalı futbolçu var. Onlardan başqa, komandada türk və avstriya əsilli oyunçular da çıxış edir.
- Bədəlovla Nağıyevin çıxışından razısınızmı?
- Bizim üçün ən önəmli şey onların xarakterli insan olmalarıdır. Bundan sonra futbol bilgilərinə fikir veririk. Hələlik komandamızda 2 azərbaycanlı futbolçu var. Ümid edirəm ki, 3, 4, 5 nəfər olarlar.
- Qış fasiləsində Nemanya Stoyanoviç “Qarabağ Vyana”dan “Keşlə”yə transfer oldu. Bu barədə nə bilirsiniz?
- Hələlik Vyanada yaşamaq üçün icazəsi olmadığından, onu “Keşlə”yə baxışa göndərdik. 10 gündən sonra qarşı tərəfdən müsbət cavab aldıq. Baş məşqçinin Stoyanoviçin oyununu bəyəndiyi və komandada saxlamaq istədiyini bildirdilər. Biz də onu “Keşlə”yə icarəyə verdik. Amma yayda komandaya qayıdacaq. Gələcəkdə də Azərbaycan klubları ilə oyunçu mübadiləsi edib, bir-birimizə dəstək olmaq istəyirik. (Qol.az)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |