Stadium.az © 2012-2024. Bütün hüquqları qorunur. Texniki dəstək: Netservice.az
Saytdakı materiallardan istifadə zamanı istinad mənbəyi göstərilməlidir.
Rəşad Sadıqov: "Belə məğlubiyyətdən sonra danışmaq çətindir" - MÜSAHİBƏ
02.09.2017 | 3508 dəfə oxunub
Azərbaycan milli komandasının və "Qarabağ"ın kapitanı Rəşad Sadıqov Norveç yığmasına səfərdə 0:2 hesabı ilə uduzduqları 2018-ci il dünya çempionatının seçmə qrup matçından sonra jurnalistlərin suallarını cavablandırıb.
- Belə məğlubiyyətdən sonra danışmaq çətindir. Matça pis başlamamışdıq. Çox yaxşı çıxış etməsək də, rəqibə oynamaq imkanı vermir, meydanda boşluqlar buraxmırdıq. Oynamaq imkanı verdikdə isə norveçlilər hücumlarını uzaqdan zərbələrlə tamamlayırdı. İlk hissədən sonra paltardəyişmə otağında söhbət oldu. Baş məşqçi Robert Prosineçki bizi motivasiya etdi. İkinci hissədə daha açıq futbol oynamağa başladıq. Bu tip rəqiblərlə açıq oynadıqda istər-istəməz müdafiədə və yarımmüdafiədə boşluqlar verirsən. İkinci hissədə rəqibə o qədər də təzyiq göstərə bilmədik. Nəticədə cərimə meydanımızın yaxınlığında boşluqlar yarandı. Bununla belə, fürsətlərdən daha yaxşı yararlansaydıq, buradan bəlkə də xalla ayrıla bilərdik. Rəqibin də qol imkanları var idi. Ümumilikdə oyun haqda nəsə deməkdə çətinlik çəkirəm.
- Sizə elə gəlmirmi ki, "Qarabağ"ın futbolçularında bir qədər yorğunluq var idi?
- Niyə siz yalnız "Qarabağ"ın futbolçularında deyirsiniz?
- Çünki hər iki qolda "Qarabağ"ın futbolçuları həlledici rol oynadı...
- Problem ondadır ki, biz yalnız son nöqtəyə baxırıq. Hamı deyir ki, avtoqol oldu. Amma o qoladək nələrin baş verdiyini demirik. Cərimə meydançasında topa həmlə edirdik. Hər şeyi daha detallı analiz etmək lazımdır. Təbii ki, rəqib hücumlara çıxırsa və bizi paramparça edirsə, son mövqedə bizik. Axırda daş bizim - ya mərkəz müdafiəçilərinin, ya da qapının başında çatlayır. Bu oyunda da elə alındı ki, mərkəz müdafiəçiləri ön planda oldu. Həmlə etmirsən, qapından qol keçir, həmlə edirsən, qapı ilə arandakı bir-iki metrlik məsafədə istər-istəməz ani texniki səhv qapına vurulan qolla nəticələnir. Ümumiyyətlə, millidən danışanda "Qarabağ", "Qəbələ", "Neftçi" və ya digər komandanın futbolçuları mövzusuna yer verməmək lazımdır. "Qarabağ"ın futbolçuları meydanda sonadək mübarizə apardılar. Amma ola bilsin, hardasa texniki səhvlər oldu. Nəsə alındı, nəsə alınmadı.
- "Qarabağ"ın futbolçuları yaxşı oynayanda tərifləyirik. Tərifi qəbul etdiyiniz kimi tənqidlə də barışmalısınız...
- Bu gün milli komandanı tənqid ediriksə, bunu qəbul edirəm. Amma sırf "Qarabağ"ın futbolçularını ayırırmağınızla razılaşmıram. Millidə olduğum vaxt mənə "Qarabağ"dan sual verəndə qəbul edə bilmirəm. Biz burada millinin futbolçusuyuq. Nə səhv edirəmsə, bu forma altında edirəm. Sabah yaxşı oynadıqda bunu "Qarabağ"ın futbolçularının ayağına yazmağın tərəfdarı deyiləm. Yaxud nəticə olduqda "Qarabağ"ın futbolçuları çoxluq təşkil edirdi" fikirlərinə qarşıyam. Yaxşı da, pis də millinin futbolçularının ayağına yazılır. Biz "Qarabağ"dan əvvəl yığmanın futbolçularıyıq.
- Son 3 ildə Norveçə qarşı 4-cü oyunu keçirdiniz. "Bu, ən zəifi oldu" fikrini qəbul edirsən?
- Qol həmişə oyunun gedişatına təsir edir. Norveçlə matçlarda həmişə kompakt müdafiə olunmuşuq. Sıxlıq yaratmışıq, boşluqlar verməmişik. Sadəcə, buraxdığımız texniki səhvdən sonra hesabda geri düşdük. Bundan sonra isə açılmağa başladıq. Açıldıqda isə yaxşı çempionatlarda çıxış edən sürətli hücumçulara qarşı istədiyin oyunu sərgiləyə bilmirsən. Buna görə də risk etməli olursan. 10 il əvvəlki vaxtımız olsaydı, bəlkə də meydana yenə müdafiəçi buraxacaqdıq, müdafiədən oynayacaqdıq. 0:1 hesablı məğlubiyyəti yaxşı nəticə sayıb rəqibə qol şansı vermədiyimizi qabardacaqdıq. Amma bu gün sevindirici haldır ki, milli təslim olmur, nəticə qazanmaq istəyir, baş məşqçi də futbolçulardan qabağa gedib qol vurmağı tələb edir. Bu halda da təbii ki, boşluqlar verəcəyik. Biz, bu sürətdə futbol oynamırıq. Bizim çempionat oyunları bu sürətlə getmir, Azərbaycan çempionatında bu cür hücumçulara qarşı oynamırsan. Bəlkə də hələ Çempionlar Liqasında da bu cür hücumçulara qarşı oynamamışıq. Norveç yaxşı komandadır, amma özünüz də gördünüz ki, qola kimi onlara boşluq vermirdik. Çünki sıx müdafiə olunurduq. Amma qoldan sonra cərimə meydançamıza daha rahat daxil olmağa başladılar.
- Bu gün həm də artıq "Qarabağ”ın futbolçusu sayılan Tarik Elyunusiyə qarşı oynadınız. Yeni komanda yoldaşının oyunu haqda hansı sözləri deyə bilərsən?
- Düzü, bu dəqiqə "Qarabağ” haqqında nə isə danışmaq istəmirəm. Transfer olunub, xeyirli olsun. Millinin düşərgəsində olduğum üçün xəbərsiz idik. Heç mən özüm də bilmirdim, bir az olar eşitdim. Bu dəqiqə mənim üçün önəmli də deyil.
- San Marino ilə oyunda Bədavi Hüseynovun yoxluğu nə dərəcədə hiss olunacaq?
- Əslində bizim bütün problemlərimiz Şimali İrlandiya ilə oyundan başlayıb. Təlim-məşq toplanışına gələndə də komandada əvvəlki ruh yüksəkliyi yox idi. Hamıda ruh düşkünlüyü var idi. Şimali İrlandiyaya məğlubiyyət bizə böyük zərbə oldu. Əminəm ki, həmin oyunda məğlub olmasaydıq, bu gün Norveçə qarşı tamam başqa oyun sərgiləyəcəkdik. Halbuki o oyuna kimi qrupdan çıxmaq şansımız var idi. Millimizdə digər layiqli futbolçular da var və ümid edirəm ki, onlar Bədavini layiqində əvəzləyəcək. Çox istəyirik ki, San Marinoya qalib gələk və xal sayında rekord nəticə əldə edək. Qrup oyunları yeni başlayanda tamam başqa şeyləri fikirləşirdik, amma indi ən yaxşı halda 3-cü pillə haqda düşünə bilərik. Sona qədər mübarizı aparmaq lazımdır.
- Dedin ki, hər şey Şimali İrlandiya məğlubiyyətindən sonra başladı. Bəs həmin dövrlərdə Prosineçkinin milli komandada gedəcəyi, "Bursaspor”la razılığa gəldiyi haqda yayılan məlumatlar necə, millinin nəticələrinə təsir etdi?
- Bunlar futbolun içində olan şeylərdir. Futbolçuya da təkliflər olur, baş məqşçiyə də. Bu gün fakt odur ki, baş məşqçi bizimlədir, komandasının başındadır. Gələcəkdə nəyin necə olacağını isə öncədən heç kim deyə bilməz. İnanmıram ki, o söhbətlərin Prosineçkinin millidəki işinə təsiri olsun. Belə hallar klublarda da olur.
- Yəni, onda heç bir dəyişiklik yoxdur və əvvəlki Prosineçkidir?
- Bəli, həmin istəkli Prosineçkidir və həmişəki kimi bizdən qələbə istəyir. Uduzanda da futbol oynayıb məğlub olmağımızı istəyir. Sadəcə, biz futbolçuların səviyyəsi budur. Konkret olaraq, Şimali İrlandiyaya Bakıda uduzmağımızdan danışırıqsa, həmin məğlubiyyətə görə ən çox özümü günahkar sayıram. 90+2-ci dəqiqədə topu cərimə meydançasından uzaqlaşdıra bilmədiyimə görə ömrümün sonuna kimi özümü günahkar sayacam. Çünki qrupdan çıxıb dünya çempionatına qatılmağı hamıdan çox mən istəyirdim. Amma uzatma dəqiqələrində buraxdığımız qolla şanslarımızın üstündən də xət çəkdik. Günahkar axtarırıqsa, birinci günahkar mənəm.
Şərh yazılmayıb
|
ŞƏRH YAZ
|
"Borussiya"dan Ceydon Sanço qərarı
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
01:23 "Fənərbaxça"da itki
24.07.2023
22.07.2023
21.07.2023
20.07.2023
19.07.2023
17:52 "Qarabağ" - "Linkoln"
14:57 PSJ Verrattini satır
18.07.2023
17.07.2023
16.07.2023
12:37 PSJ yeni futbolçu aldı
15.07.2023
18:02 "Yuventus"dan "Latsio"ya
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |