Namiq Ələsgərov: "O, hər futbolçuyla ayrılıqda danışır" - MÜSAHİBƏ
"Neftçi"nin futbolçusu Namiq Ələsgərov Premyer Liqanın 17-ci turunda "İnter" ilə oyundan (1:3) sonra jurnalistlərin suallarını cavablandırıb:
- “İnter” çempionatın ən güclü komandalarından biridir. Əvvəlcədən bilirdik ki, bizim üçün ağır oyun olacaq. Amma sevinirik ki, qış fasiləsindən sonra ilk qələbəmizi qazandıq. Bu qələbənin davamını gətirmək üçün daha çox çalışacağıq.
- Əvvəlki iki turda, “Qarabağ” və “Qəbələ” matçlarında hakim sizin əleyhinizə kobud səhvlərlə yadda qaldı. Bu gün matçdan öncə hakimin yenə səhv qərarlar verəcəyini düşünürdünüz?
- Düzdür, hər iki oyunda hakim səhvləri oldu. Biz də düşündük ki, heç olmasa bu matçda hakim səhvləri olmaz. “Qarabağ”la matçda qələbəyə yaxın idik. “Qəbələ” ilə də heç-heçə etmək şansımız vardı. Amma bu gün oyun normal keçdi, baş hakim Əliyar Ağayev matçı yaxşı idarə etdi.
- Səncə, “Neftçi” bu gün göstərdiyi oyunla mövsümü hansı pillədə başa vuracaq?
- Bacardığımız qədər yuxarı pillələrə qalxmağı düşünürük. Qarşıdan gələn oyunları qələbə ilə başa vurub, ilk dördlükdə qərarlaşmaq fikrimiz var.
- Komandada özünü necə hiss edirsən, uyğunlaşa bilirsən yeni klubuna?
- Özümü yaxşı hiss edirəm. Təlim-məşq toplanışında bir neçə matçda meydana çıxmışdım, uyğunlaşmaq baxımından problemim olmadı.
- Bu gün “Neftçi” formasıyla ilk qolunu vurdun...
- Əlbəttə ki, ilk qolumu vurduğum üçün sevinirəm. Əsas olan komandamızın qələbəsidir. Bundan sonra da daha çox qol vurub, komandama kömək etməyə çalışacağam.
- Baş məşqçiniz Elxan Abdullayev həm də Azərbaycan milli komandasının məşqçisidir. Sənə xüsusi olaraq tapşırıqları olur?
- Hamıya necə, mənə də elə. O, hər futbolçuyla ayrılıqda danışır.
- Azərbaycan kubokunun yarımfinalında “Qarabağ”a qarşı matçda komandana kömək edə bilməyəcəyinə görə təəssüflənirsən?
- Bəli, həmin matçda komandama kömək etmək istərdim.
- Əvvəlcədən bilirdin ki, “Qarabağ”a qarşı oyunlarda oynaya bilməzsən?
- Xeyr, bilmirdim. “Qarabağ”la ilk matçdan öncə bildim. Müqaviləmdə belə bir maddə yoxdur.
- Əvvəldən bilsəydin, müdaxilə edərdin?
- Mənim elə bir haqqım yoxdur ki, müdaxilə edim. Rəhbərliklər arasında olan bir söhbətdir. Onlar nə desə, mən də onu etməliyəm.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |