"Burada həm rəqiblə, həm də meydança ilə mübarizə aparmalı olursa" - MÜSAHİBƏ
“Qarabağ”ın futbolçusu İlqar Qurbanov Premyer Liqanın 16-cı turunda AZAL-a qalib gəldikləri oyundan (2:1) sonra jurnalistlərin suallarını cavablandırıb. Stadium.Az xəbər verir ki, o, qarşılaşma haqda fikirlərini bildirib:
- Oyun barədə nə deyə bilərsən?
- Çətin matç keçdi. Meydançanın süni örtüyü futbolçuların çıxışına çox təsir edir. Gördüyünüz kimi, Dani Kintana heç nədən ağır zədə aldı. Belə meydanda nəinki qaçmaq, yerimək belə çətindir.
- Oyundan əvvəl meydançanın durumunu nəzərə almamışdınız?
- Əlbəttə, meydanın örtüyünün nə vəziyyətdə olduğunu bilirdik. Burada həm rəqiblə, həm də meydança ilə mübarizə aparmalı olursan. Yenə deyirəm, qaçmaq bir yana, heç asta yerimək də olmur.
- İlk 30 dəqiqəyə kimi rəqibin qapısı qarşısında ciddi təhlükə yarada bilmədiniz. Bunun səbəbi nə idi?
- AZAL zəif komanda deyil. Yaxşı baş məşqçiləri var, taktiki cəhətdən də zəif deyildilər. Onlar bizi yaxşı “bağlamışdılar”. Topu ora-bura gəzdirirdilər. Biz buna səbrlə cavab verdik, topa nəzarət etdik. Belə qarşılaşmalarda gözəl oyunun o qədər də əhəmiyyəti yoxdur. Vacib olan qələbə qazanmaqdır. Biz də bunun üçün əlimizdən gələni etdik. Uşaqlar çox çalışdı, əzmkar mübarizə apardı. Sonda istədiyimizi qazandıq.
- Riçard Almeydanın yoxluğunda əsas yük Kintananın çiyinlərinə düşürdü. O zədələnib, meydanı tərk edən zaman qələbə qazanacağınıza ümidiniz qalmışdı?
-
-Sözsüz ki, Almeyda komandanın vacib fiqurlarından biridir. Cəzalı olduğu üçün bizimlə deyil. Onun
yoxluğunda meydana çıxacaq futbolçular şanslarını gözləyirdilər. Dani də komandamızda vacib üzvlərindən biridir. İnsan faktoru olan yerdə nəticə vacib deyil. Kaş, bu gün uduzaydıq, amma Dani zədələnməzdi. Bu, bizim üçün ağır itki olacaq.
- Qələbənizdə AZAL-ın oyunçusuna göstərilən qırmızı vərəqənin rolu var?
- Tounkara məni arxadan itələmişdi. Sonra arxaya baxanda Şehiçin topu götürdüyünü gördüm. Ona toxunub-toxunmadığına baxa bilmədim. Sonra hakim rəqib futbolçuya qırmızı vərəqə göstərdi.
- Amma biz video-təkrara baxdıq, toxunuş yox idi.
- Mən görmədim. Həm də qırmızı vərəqənin qələbəmizdə rolu yoxdur. Oyun zamanı üstünlük tərəfimizdə idi. Dəqiq deyə bilmərəm ki, onlar azlıqda qalmasaydı, udardıq və ya heç-heçə edərdik. Futboldur, hər şey ola bilər. Biz sona kimi rəqibdən üstün futbol oynadıq.
- Ötən tur “Neftçi” ilə oyunda da mübahisəli epizod olmuşdu. Ardıcıl ikinci oyunda da yenə belə hal baş verdi...
- Hər oyundan sonra belə müzakirələr olur. Hakimlər haqda danışmaq istəmirəm. Hər biri yaxşı hakimdir. Onlara güvənmək, dəstək olmaq lazımdır. İnsan olan yerdə səhv olur. Futbolçu da səhv edir, qol buraxır. Hər xırda şeyə irad bildirsən, gərək futbol oynamayasan.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |