Almeyda: "Cavab oyununda həmin hesabla uduza da bilərik" - MÜSAHİBƏ
Azərbaycan kubokunun 1/4 final mərhələsinin ilk oyununda “Sumqayıt”ı 6 cavabsız qolla məğlub edən “Qarabağ”ın yarımmüdafiəçisi Riçard Almeyda oyundan sonra jurnalistlərin suallarını cavablandırıb:
- Rəqibin bu qədər bərbad oynayacağını, “Qarabağ”ın isə məhsuldar nəticə qazanacağını gözləyirdinizmi?
- Oyuna bir qədər ləng başladıq. Buna görə də qarşılaşmanın əvvəli bizim üçün ağır keçdi. Qol vurduqdan sonra komandamız sanki oyandı. Bu oyanışın nəticəsi olaraq imkanlar əldə etdik, fürsətləri qaçırmadıq, hesabı bu həddə çatdırdıq. Nəticəyə görə asan qələbə qazandığımızı düşünməyin. Vacib olan lazımi nəticəni aktivimizə yazdırmaqdı.
- Amma qələbəni çətinliklə qazandığınızı da düşünmək mümkün deyil. Cavab oyununu formallığa çevirdiyinizi demək olarmı?
- Futbolda hər şey mümkündü. Bu gün 6 cavabsız topla qalib gəldik, cavab oyununda həmin hesabla uduza da bilərik. Artıq bu qələbəni bir kənara qoymalı, “İnter”lə çempionat oyununu düşünməliyik. Sonra Sumqayıta səfərimizi müzakirə edə bilərik.
- Maraqlıdır ki, bu mərhələnin ilk oyununda favoritlər qələbə qazandı. “Neftçi” ilə yarımfinalda qarşılaşmaq ürəyinizcədirmi?
- Hələ cavab oyunları var. Ona görə də digər cütlüklərin nəticələri haqda danışmaq istəmirəm. Fikrimiz “İnter”lə oyuna yönəlib. Ancaq bu matç haqda düşünürük.
- “İnter”in sizi qorxudacaq özəlliyi hansılardı?
- Hansısa qorxudan, çəkinməkdən danışmaq lazım deyil. Hörmətlə yanaşırıq, bilirik ki, güclü rəqibdi. İdmanın özünəməxsus xüsusiyyəti var: sən rəqibi dəyərləndirmirsənsə, o, səni cəzalandıracaq. “İnter” kompakt futbol nümayiş etdirir, bir-birilərinə yaxın oynayırlar. Bilirik ki, çətin bir oyun olacaq.
- “Sumqayıt” üzərindəki qələbədən sonra “Fiorentina”ya məğlubiyyəti, eləcə də avrokubokda mərhələ adlaya bilməməyin stressini, gərginliyini unutmusuz?
- İndiyə qədər həmin məğlubiyyətin üzüntüsünü unuda bilməmişəm. Çünki mərhələ adlamaq, mübarizəni davam etdirmək üçün şansımız var idi. Görünür, qismətimizdə yox imiş. Bundan sonra çoxlu məşq etməli, yüksək yer tutmalı, növbəti növsümdə uğur qazanmalıyıq.
- Avropa Liqasının püşkatma mərasimini izlədinizmi və PAOK-un adı çəkilən zaman hansı hisslər keçirdiniz?
- Artıq bu mərhələ arxada qaldı və bununla bağlı danışmağa dəyməz.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |