Təbriz Həsənov: "Bütün futbolsevərlərdən xahiş edirəm ki..." - MÜSAHİBƏ
Gələn ay Bakıda U-17-lər arasında keçiriləcək Avropa çempionatı ilə bağlı bu gün Milli Komandaların Məşq Mərkəzində mətbuat konfransı keçirən millimizin baş məşqçisi Təbriz Həsənov jurnalistlərin suallarını cavablandırıb:
İlk dəfədi Azərbaycan yığması final mərhləsində iştirak edəcək. Hamımız uğur qazanmağa köklənmişik. Komanda dünəndən toplanışa başlayıb. Bu gün yoxlama görüşü keçirəcəyik. Futbolçuların oyun praktikasını artırmaq üçün bu toplanışı təşkil etmişik. Ayın 18-dən etibarən turnirin hazırlığına başlayacağıq. Ola bilsin ki, ayın 29-30-da yoxlama görüşü keçirdik. Tez gələn komandalardan biri ilə qarşılaşa bilərik.
- Heyədə hansısa dəyişiklik olacaq?
- Azərbaycandan kənarda bizim 4 oyunçumuz var. Onlar “Beşiktaş” və “Trabzonspor”da çıxış edirlər. Planımız var ki, daha 3 oyunçu gətirək. Onlardan testlər də götürəcəyik. Ancaq bizə uyğun olmasalar, onlar geri göndəriləcək. Bəzi oyunçularımız idman formasından uzaq düşüblər. Güclü rəqiblərlə qarşılaşacağıq. Onlara qarşı oynaya biləcək heyət qurmağa çalışırıq. Məqsədimiz qrupdan çıxmaqdı.
- Qrupdan çıxmaq şansınızı necə dəyərləndirirsiz?
- Ola bilər ki, Portuqaliya özündən razı olar, biz onlara qalib gələk. Qrupdan 4 xalla da çıxmaq olur. Bizim məqsədimiz qrupdan çıxmaqdı. Neçə xal toplamaq çox önəmli deyil.
- Turnirin favoriti kimi hesab edirsiz?
- Almaniya, Fransa, İngiltərə, Portuqaliya favoritlərdi.
- AFFA rəhbərliyi açıqlama verib ki, hədəf qrupdan çıxmaqdı...
- Bunu biz də istəyirik. İştirak üçün qatılmayacağıq. Ukraynaya qarşı çox yaxşı oyunlar keçirmişik. O cür çıxış etsək, qrupdan çıxa bilərik.
- Portuqaliya adı futbolçulara psixoloji təsir edə bilər. Bunun baş verməməsi üçün hansı addımı atacaqsınız?
- Ən yaxşı psixoloq məşqçidi. Amma lazım olsa, psixoloq da götürərik. Mən uşaqlarda belə hal müşahidə etmirəm. Onlar da dərk edirlər ki, hansı məsuliyyəti daşıyırlar.
- Sizi daha çox nə narahat edir?
- 4 aydı ki, əsas qapıçımız Məhəmməd Hüseynov məşq etmir. Kapitan Elçin Əsədov bir həftədi məşq etmir. Onun da nə zaman qayıdacağını həkimlər deyəcək. “Beşiktaş”lı Hüseyn Seyidlinin də zədəsi davam edir. Əzələsi dartılıb. İki stopper və qapıçımızın olmaması problem yarada bilər. Çalışacağıq onlar tez sağalsınlar.
- Rusiya ilə matçda hücum xəttində ciddi problemlərin olduğu görünürdü...
- Hücum çətin mövqedi. Ötən il 90-a yaxın oyunçu yoxlamışıq. Onlardan 15-20-si hücumçu olub. Amma istənilən səviyyədə futbolçu tapmaq çətindi. Murad Mahmudov yaxşı formadadı. Fərid Nəbiyevi də hücumda yoxlayacam. Onun bacarığı var. Hələlik olanlarımız bunlardı.
- Bu yaxınlarda ölkə başçısı ilə görüşmüsüz. Orda nə söhbət etmisiz?
- Ölkə başçısı hazırlıq barədə soruşdu, bu barədə məlumat verdik. O da dedi ki, gələn komandalar güclü heyətə malikdi. Bu da onu göstərir ki, ölkə başçısı idmanla, futbolla maraqlanır.
- İstədiyiniz dəstəyi ala bilirsizmi?
- Bütün futbolsevərlərdən xahiş edirəm ki, oyunlarımıza gəlsinlər. Jurnalistlər də komandanın motivasiyasını qaldırmaq üçün bizə dəstək ola bilər. Kimin nə işi var, sonraya saxlasın. Bütün xalqımız oyunçularımızdan böyük oyun gözləyir. İnanıram ki, bizə dəstək olacaq. Çünki bu çempionat böyük bayramdı. Təkcə bizim yox, digər matçlarda da azarkeşlərin olacağını düşünürəm.
- Renat Dadaşovun Almaniya yığmasını seçməsinin səbəbini nədə görürsüz?
- Renat Dadaşov bizim U-15 yığmamızda oynayıb. Ancaq o, Almaniyada yaşayır, oranın klubunda oynayır. Yəqin ki, bizi seçsəydi, orda problem yaşaya bilərdi. Oyunu bizi tam qane edirdi. Çox istərdik ki, bizdə oynasın. Gələcəkdə Almaniyada yüksək səviyyəli futbolçumuzun olması sevindirici olar.
- Hər məşqçinin bir hədəfi olur. 17 yaşlılarla Avropa çempionatında iştirak etmək sizin üçün hansı mərhələdi?
- Biz burda uğur qazansaq, mənim üçün də əla olar. İlk dəfədi bu turnirdə çıxış edirik. Azərbaycan futbolunda ən yüksək reytinq bizdə olub. Elit-raundda oynamışıq, ordan o tərəfə gedə bilməmişik. Amma indi ev sahibi kimi qatılmaq imkanımız var. Məncə, hətta qrupdan çıxmaq da bizim üçün böyük uğur olar.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |