Naci Şensoy: “Rəvan” Premyer Liqada qalarsa, bu, uğur sayılacaq" - MÜSAHİBƏ
Naci Şensoyun "publika.az" saytına müsahibəsi:
- “Rəvan”a gələn Güvənc Kurtar “Mustafa Denizliyə rəqib olmağa gəlirəm” deyib. Kurtar Denizlinin komandasına rəqib olacaq bir heyət qura biləcəkmi?
- Güvenç Kurtar Türkiyənin sayılan təcrübəli məşqçilərindəndir. Düzdür, son illərdə bir balaca işsiz qaldı. Təcrübəsi ilə hər hansı bir kluba çox şey verə bilər. Ancaq onun Mustafa Denizlili “Xəzər Lənkəran”a rəqib olması mümkün deyil. Çünki buna “Rəvan” klubunun büdcəsi və iddiası yetməz. Bura “Rəvan” rəhbərliyinin qeyri-peşəkar yanaşmalarını da əlavə etsək, bu istəyin gərçəkləşməyəcəyi daha inandırıcı sayıla bilər. Məncə bu il “Rəvan” Premyer-Liqada qalarsa, bu uğur sayılacaq.
- Mövsüm ərzində 4-cü məşqçi ilə çalışan “Rəvan” Güvençlə dəyişə biləcəkmi?
- Dediyim kimi, “Rəvan” rəhbərliyi işə qeyri-ciddi yanaşır. Öz səhvlərini məşqçilərə yükləməkdə liderdirlər. Bir məşqçini komandanın başına gətirməmişdən əvvəl onun haqqında yaxşı araşdırma aparmalıdırlar. Güvəndikləri məşqçiyə vaxt verməlidirlər. Heç bir məşqçinin əlində “sehrli dəyənək” yoxdur. Bütün dünyanın peşəkar rəhbərləri nə edirlərsə, onlar da eynisini etməlidirlər. Məşqçiləri “günah keçisi” qismində görməməlidirlər. Sadaladıqlarımı etdikdə uğur özü gələcək.
- Güvenç və Denizli tanıdıqları səviyyəli futbolçuları komandalarına cəlb edə bilərlərmi?
- Bu sual birbaşa klubların büdcəsi ilə bağlıdır. Peşəkar futbol bazarında futbolçudan çox nə var ki?! Sən puldan danış... Məncə Denizli bu məsələdə Kurtardan daha şanslıdır. Çünki iki klubun arasında büdcə məsələsində çox böyük fərq var. Ümid edirəm doğru və lazımı futbolçuları tapıb komandalarını gücləndirərlər.
- Azərbaycanın futbol təsərrüfatına bələd olan adam kimi proqnoz verməyinizi istərdik - Güvenc və Denizli Azərbaycanda uzun müddət çalışa biləcəklərmi?
- Peşəkar məşqçi çamadanını hər zaman hazır tutmalıdır. “Xəzər Lənkəran” Denizlidən öncə də adlı-sanlı məşqçi Con Toşakı gətirmişdi, amma gördüyünüz kimi, uğurlu ola bilmədi. Bundan əlavə “Bakı” klubuna Şefer gəldi və o, da uğursuz oldu. Azərbaycanda - “Turan”da 3 dəfə çalışmış və uğurlu olmuş bir məşqçiyəm. Uğur qazanmış məşqçi hər zaman işinə çox ciddi yanaşmalıdır, yoxsa xəyal qırıqlığına uğraya bilər. “Xəzər Lənkəran”, xüsusilə də “Rəvan” rəhbərliyi bu iki məşqçiyə yetərincə vaxt tanısalar, məncə işləri uğurlu olacaq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |