"Rəvan"lı Ceyhun Cavadov: " Qolu atama həsr etdim" MÜSAHİBƏ
Topaz Premyer Liqasının 13-cü turu çərçivəsində "Rəvan” "Sumqayıt”ı qəbul etdi. "Bayıl Arena”da keçirilən oyunda "Rəvan" hesabı açsa da, üstünlüyünü qoruya bilmədi. Matçda meydan sahiblərinin qolunun müəllifi olan Ceyhun Cavadovun klubun rəsmi saytına müsahibəsini təqdim edirik:
- "Rəvan” forması ilə ilk qolunu vurdun. Qoldan sonra nə hisslər keçirdin?
- Xüsusi sevinc oldu desəm, düz çıxmaz. Sadəcə, komandamın daha da yaxşı çıxış etməsi, uğurlu nəticələr qazanması üçün çalışıram. Qol vurmaq da yaxşıdır. Təbii, bu bir ilk olduğundan müəyyən mənada özünəəminliyimi artırır. Amma yenə deyirəm ki, xüsusi hisslər keçirmədim.
- Qolu təsvir edərdin...
- Vareanın topu saxladığını və mənə tərəf baxdığını görüncə, topu mənə tərəf ötürəcəyini anladım. Boş zonaya açıldım ki, rahat olsun. Top önümə gələrkən qapını tam gördüyümdən zərbə vurmaq qərarına gəldim. Şükür, zərbəm dəqiq oldu.
- Qolu kimə həsr etdin?
- Qolu atama həsr etdim. O, stadionda idi və qoldan sonra ona tərəf qaçdım. Atamın üzərimdə böyük əməyi var, bu səviyyəyə çatmağımda müstəsna xidmətləri olub. İnşallah, onun üçün hələ çoxlu qollar vuracam.
- Atan bütün oyunlarını izləyir?
- Atam, demək olar, bütün oyunlarıma gəlir. Yalnız Bakıdan çox uzağa çıxanda orda olmur. Qalan bütün görüşlərdə mənə stadiondan mənəvi dəstək olmağa çalışır.
- Çempionatın əvvəlində az-az oynayırdın, amma indi demək olar, əsas heyətin üzvünə çevrilmisən. Nə dəyişdi ki?
- Mövsümlərarası fasilədə Ramil Əliyev məni komandaya dəvət etdi. İlk turlarda da şans verirdi. Amma Vladislav Qədirov baş məşqçi olandan sonra ehtiyatda qalmağa başladım. Demək olar, şans vermədi mənə. Şahin müəllim gələndən sonra isə yenidən oynamağa başlamışam. Görünür, Vladislav müəllimin oyun üslubuna uyğun gəlmirdim. Hər halda, hər məşqçinin öz seçimi olur və ona hörmətlə yanaşmaq lazımdır.
- Şahin Diniyev son mətbuat konfransında sənin gələcəyini parlaq gördüyünü, böyük potensiala sahib olduğunu bildirdi. Və əlavə etdi ki, öz üzərində daim və çoxlu işləməlisən...
- Şahin müəllimlə mən də söhbət etmişəm. Mənə də deyib ki, öz üzərində çox işləsən, gələcəkdə yaxşı futbolçu olacaqsan. Şükür Allaha, məşqçinin tapşırıqlarını canla-başla yerinə yetirirəm. Ola bilər ki, bəzən istənilən oyunu göstərə bilmirəm. Amma hər şeyin yaxşı olması üçün əlimdən gələni əsirgəmirəm.
- Artıq gələn mövsüm yaş limitinə düşməyəcəksən. Başqa sözlə, əsas heyətdə oynamaq daha da çətinləşəcək. Bu barədə düşünmüsən?
- Əlbəttə. Artıq indidən bu barədə düşünürəm. Üzərimdə çalışıb komandanın aparıcı üzvlərindən birinə çevrilmək istəyirəm. Yalnız bu halda gələn mövsüm də mütəmadi oynaya bilərəm. Məşqlərdə də hazırlıq bitəndən sonra qalıb əlavə çalışıram. İnşallah əziyyətimin qarşılığını görərəm. Buna böyük ümidim var.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |