BBC: "Qarabağ" Ermənistanın işğal etdiyi rayonu təmsil edir"

25.08.2017 | 4800 dəfə oxunub

"BBC Türk" futbol üzrə Çempionlar Liqasının (ÇL) qrup mərhələsinə vəsiqə qazanan ilk Azərbaycan klubu “Qarabağ”la bağlı məqalə dərc edib.

Stadium.Az xəbər verir ki, "Çempionlar Liqasında qrup mərhələsinə yüksələn ilk Azərbaycan klubu" başlıqlı yazıda Ağdam təmsilçisinin Ermənistan tərəfindən işğal olunan Dağlıq Qarabağı təmsil etdiyi vurğulanıb.

Eyni zamanda komandanın 2013/2014 mövsümündə 21 illik aradan sonra Azərbaycan çempionluğu əldə edərək Bakı klublarının hegemonluğuna son qoyduğu qeyd olunub: “Ermənistan 1993-cü ildə Dağlıq Qarabağı işğal etdiyi üçün “Qarabağ” ev oyunlarını Bakıda keçirir. 23 iyul 1951-ci ildə Azərbaycanın Qarabağ bölgəsindəki Ağdam şəhərində təsis edilən və “Qarabağ" (Ağdam) adlanan klub ilk dəfə SSRİ dönəmində - 1966-cı ildə Azərbaycan çempionatında çıxış edib.

Komanda 1968 - 1976-cı illərdə maddi problemlərə görə yarışlardan kənarda qalıb və 1977-ci ildə “Şəfəq” adı ilə yenidən daxili yarışlarda iştirak edib. 1988-ci ildə ilk dəfə ölkə çempionu olub. SSRİ-nin dağılmasında sonra ilk milli çempionat 1992-ci ildə təşkil olunub. “Qarabağ” növbəti il Azərbaycan çempionu olmaqla yanaşı, ölkə kubokunu qazanıb. Lakin müharibə həm klubun, həm də Ağdam əhalisinin xoşbəxtliyini kölgədə qoydu.

1993-cü idə Ermənistanın Dağlıq Qarabağı işğal etdiyi dönəmdə komandanın ev oyunlarını keçirdiyi “İmarət” stadionu bombalanaraq yarasız vəziyyətə salındı. Stadionsuz qalan klub eyni zamanda bütün qaynaqlarını da itirdi və Bakıya köçmək məcburiyyətində qaldı”.

Məqalədə “Qarabağ”ın 2017/2018 mövsümündə ÇL-in qrup mərhələsində çıxış edəcək ən aşağı büdcəyə malik klub olduğu vurğulanıb: “İspaniyadan 2, Bosniya və Hersoqovina, Haiti, Braziliya, Makedoniya, Ukrayna və Cənubi Afrika Respublikasından bir oyunçusu olan “Qarabağ” 12 milyon 28 min avroluq heyətlə ÇL-də qruplara qalan 32 kollektiv arasında ən aşağı büdcəli klub olacaq”.

“Qarabağ” son üç mövsümdə Avropa Liqasının qrup mərhələsində çıxış edib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail