"Qarabağ" UEFA-nın sıralamasında ölkəmizin lideridir

18.07.2016 | 3563 dəfə oxunub

Azərbaycan klublarının UEFA reytinqindəki mövqeyi müəyyənləşib. Stadium.Az xəbər verir ki, ən yaxşı göstəriciyə malik komandamız yenə "Qarabağ"dır.

UEFA Çempionlar Liqasının ikinci təsnifat mərhələsində Lüksemburq "Düdelanj"ı ilə mübarizə aparan təmsilçimiz Bakıdakı qələbə sayəsində mövqeyini yaxılaşdırmağa nail olub. Ağdam klubu hazırda 13,500 reytinq xalı sayəsində 120-ci sıradadır. "Qarabağ"ın rəqibi "Düdelanj" 240-cı, üçüncü təsnifat mərhələsindəki potensial rəqib - Çexiya "Viktoriya"sı isə 48-cidir.

Avropa Liqasındakı təmsilçimiz "Neftçi" 9,250 reytinq xalı ilə 154-cüdür. Bakılıların Avroliqanın ikinci təsnifat mərhələsi çərçivəsində Bakıda qolsuz heç-heçəyə razılaşdığı Makedoniya "Şkendiya"sı 364-cüdü pillədə qərarlaşıb. Üçüncü təsnifat mərhələsində bu iki komandadan birini gözləyən Çexiyanın "Mlada Boleslav" komandası isə 159-cudur.

"Qəbələ" 5,750 xalla Avropada 206-cı komandadır. Avroliqanın ikinci təsnifat mərhələsində səfərdə Macarıstan MTK-sına qalib gələn qəbələlilərin rəqibi isə 337-ci sırada qərarlaşıb. Üçüncü təsnifat mərhələsində bu iki komandadan biri ilə görüşəcək Fransanın "Lille" klubu isə 86-cıdır.

Avroliqadakı digər təmsilçimiz "Kəpəz" də UEFA-nın yeni reytinqində irəliləyib. Gəncə klubu 3,500 reytinq xalı ilə 309-cudur. Komandamızın Avroliqanın ikinci təsnifat mərhələsi çərçivəsində səfərdə uduzduğu Avstriya "Admira"sı isə 220-ci pillədə qərarlaşıb. Bu komandaların biri ilə üçüncü təsnifat mərhələsində qarşılaşacaq Çexiya "Slovan"ı da 80-ci sıradadır.

Azərbaycanın UEFA-nın reytinq cədvəlindəki digər təmsilçilərinə gəlincə, "İnter" 5,500 xalla 216-cı, "Xəzər Lənkəran" 4,000 xalla 283-cü, "Bakı" 3,250 xalla 318-cidir.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail