"Messi və Ronaldo karyeralarının pik nöqtəsindədir. Neymar hələ gənc futbolçudur. İrəlidə onu yaxşı karyera gözləyir. Yeri gəlmişkən, gələcəkdə onun "Qızıl top"u qazanmaq üçün real şansları var. Messi, yoxsa Ronaldo? Həyatımda bu suala heç vaxt müəyyən cavab verməmişəm. Çünki onlardan birini seçmək çox çətin, hər ikisini seçmək olduqca asandır. Gözüyumulu hər ikisinin inanılmaz futbolçu olduğunu deyə bilərəm".
Del Piero 2014 mundialının yarımfinalında baş tutmuş dramatik Almaniya - Braziliya (7:1) oyunu haqqında sualı da cavablandırıb. Həmin oyunu Neymar belindəki zədəyə görə buraxmalı olmuşdu.
"O gün gözlənilməz idi. Hər kəs baş verənlərdən təəccüblənmişdi. Kənarda inanılmaz görünən bu hadisəni izah etmək Braziliya millisi üçün çətindir. Bu inanılmaz faciəni təsvir edə bilmirəm. Ümid edirəm Braziliya növbəti dünya çempionatında uğurlu nəticə göstərər.