Nazim Süleymanov: "Futbolçuların bir az da mütaliə etmələrini istərdim"

11.02.2016 | 2949 dəfə oxunub

"Təlim-məşq toplanışına "Qəbələ”dən ən çox futbolçu çağırmağım təsadüfi deyil. Bunun səbəbləri var". 

Stadium.az xəbər verir ki, bu fikirləri Azərbaycanın 19 yaşlılardan ibarət yığma komandasının (U-19) baş məşqçisi Nazim Süleymanov “Qəbələ İK” qəzetinə açıqlamasında deyib.

51 yaşlı çalışdırıcı U-19 yığmamızın Bakıda fevralın 5-dək 15-dək olan seleksiya xarakterli təlim-məşq toplanışına 24 futbolçu dəvət göndərib. Bunlardan ən çox – 9 futbolçu "Qəbələ” klubundadır. Söhbət qapıçılar Elnur Orucovla Süleymanov, müdafiəçilər Əzəmət Ələkbərli, Sahil Zeynalov, Amin Seydiyev, yarımmüdafiəçilər Hacıağa Hacıyev, Baxşəli Baxşıliyev, Ravil Yusifli və hücumçu Rövlan Muradovdan gedir. Seçimiylə bağlı fikirlərini bölüşən Süleymanov "Qəbələ”nin U-19 komandası öz liqasının vahid lideri olmasının böyük rol oynadığını bildirib: 

"İkincisi də bu komandada, eləcə də "Qəbələ”nin əvəzedici heyətində 1998-ci il təvəllüdlü futbolçular çoxdur. Bizə də qarşıdakı seçmə mərhələdə məhz bu yaş qrupundan ibarət futbolçular lazımdır. "Qəbələ”dən hələ bəziləri var ki, onları bu dəfə dəvət etmədik. Məsələn, müdafiəçilər Elvin Dəmirovla Xəyal Əmirlini dekabrda ilk toplanışa çağırmışdım. Bu dəfə digər müdafiəçiləri Sahil Zeynalovla Amin Seydiyevi sınamaq istədim. Sual oluna bilər ki, Hacıağa Hacıyev niyə yenə çağırılıb? Səbəb Hacıağayla bir daha yaxından tanış olmaq istəyimdir”.

Təcrübəli mütəxəssis U-19 Liqasıyla yanaşı, əvəzedici heyətlərin oyunlarını diqqətdə saxlayır. Hər halda, əvəzedici heyətdə də 18-19 yaşlı futbolçular olur. Mərdəkab qəsəbəsində "Dalğa” stadionunda keçirilən və yoxlama oyunlarının nəzərdə tutulduğu toplanış qarşıdakı seçmə mərhələyə hazırlığın bir mərhələsidir. Süleymanovu dinləyək: 

"Növbəti seçmə mərhələ bu ilin oktyabrında Litvada olacaq. Bu dəfə kimi çağırmamışıqsa, onları sonra yoxlayacağıq. Bütün futbolçulardan əsas istəyimiz bütün diqqətlərini məşqə yönəldib məşqçilərin dediklərinə diqqətlə qulaq asmalı, onlara verilən tapşırıqları həyata keçirmələridir. Futbolçuların bir az da mütaliə etmələrini istərdim. Bildiyiniz kimi, futbol kollektiv idman növüdür. Burada "mən güclüyəm”i məşqdə və oyun zamanı göstərməli, özünü ən yaxşı tərəfdən nümayiş etdirməlisən. Biz nizam-intizama xüsusi diqqət yetirir, bunu futbolçulardan tələb edirik. Nizam-intizama əməl etməyən futbolçu bizə lazım deyil”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail