Stadionda domino oynamaq YAZI
Yeni tərkibli Milli Məclisimiz yaxşı başlayıb, Tanrı yaman gözdən saxlasın. Təzə seçilən deputatlar iclas zalında yerlərini isti eləməyə başlamamış bir neçə qanunun qəbuluna səs verdilər. Dünya parlamentariləri gözlərinə su verə bilərlər. Əgər sudan korluq çəkirlərsə, sadəcə, daha asan olanı etsinlər, bizdən öyrənib qabağa getməyə çalışsınlar. Ürəyimə damıb ki, millət vəkillərimiz bu sürətlə qane olmayıb tezliklə daha bir neçə vacib qanun üçün düymə basacaqlar. Sonuncu seçkidən mandatla çıxan deputatların bəzi futbolçulardan fərqli olaraq ayağı sayalı olacaq. Futbolçu demişkən, hiss edirəm ki, qəbul ediləcək təzə qanunlardan biri də hökmən futbol haqqında olacaq. Bəzi dostlar dodaq büzüb deyə bilərlər ki, ilin-günün bu vaxtında nə futbolmutbol... Dünyadakı geopolitik vəziyyətdən sitat da gətirəcəklər, neftin su qiymətinə düşməsindən, avronun dollara yuxarıdan aşağı baxmasından, Türkiyənin Rusiyanı urusca söyməsindən, Rusiyanın Türkiyəyə türkcə cavab qaytarmasından geninə-boluna danışacaqlar. Bunları mən də azdan-çoxdan bilirəm, hələ İŞİD-in Allahsız işlərindən elə şeylər deyərəm, əl-ayağınız yerə yapışar. Yaxında-uzaqda baş verən siyasi hadisələr, iqtisadi problemlər bizim camaatın futbola marağını azalda bilməz, bunu parlamentdə də yaxşı bilirlər. Elə ona görə millət vəkilləri bütün məsələlərdə olduğu kimi, bu işdə də seçicilərin yanında olacaq və futbolla bağlı gözəl, ürəyə yatımlı qanun düzəldəcəklər. O da ürəyimə damıb ki, top oyunu ilə bağlı yeni qanunda azarkeşlərin maraqları belə demək mümkünsə, tam təmin olunacaq. Sənədin əvvəlindən-ortasından anons da edə bilərəm. Stadiona gəlib oyundan razı qalmayan fanat futbolçunu yağlı söyüşlərə qonaq edə biləcək, təbii ki, ürəyində. Azarkeş istəsə, baş məşqçini də yaş yuyub quru sərəcək, sözsüz ki, yenə ürəyində. Millət vəkillərimiz maraqlı futbol izləmək arzusu ilə stadionun qapısından içəri keçən azarkeşlərimizə domino, nərd, hətta loto oynamağa da icazə verəcəklər. Yəni... Yənisi yoxdu ki, tutalım 50-60 fanat xeyli məsafə qət edib gedir Şüvəlan qəsəbəsinə və AZAL-la "Xəzər Lənkəran" arasında matça baxmaq istəyir. Lakin görürlər ki, meydançada ora-bura qaçan futbolçuların bu gül kimi idman növünə heç bir dəxli yoxdu. Əsəbiləşməsinlər deyə, azarkeşlər başlayırlar elə stadiondaca domino, nərd və ya loto oynamağa. Qanun bu zaman fanatlara pul qoyuluşları etməyə də imkan verəcək. Amma bir şərtlə, domino, nərd və ya loto yarışlarından toplanan pulun 50 faizi maraqsız futbol oynayan həmin klubların hesabına köçürülməlidir. İnsafla danışsaq, çox lazımlı və vaxtında hazırlanan qanundu. Özü də bu qanun "Xəzər Lənkəran"a bu dəqiqə hava-su kimi lazımdı. Bəlli səbəblərdən kisəsi boşalan klub futbola baxmağa gəlib domino, nərd və ya loto oynayan azarkeşlərin hesabına xeyli pul qazana bilər.Sözün düzünü deyim ki, bircə bu təzə və gözəl qanunun adını bilmirəm. Millət vəkilləri qanuna görəsən hansı adı verəcəklər?
Etibar CƏBRAYILOĞLU
“Het-trik news” qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |