"Federasiya, baş məşqçim olmasaydı, bu nəticələr də olmazdı"
“Azərbaycan gimnastikası dünya səviyyəsinə çıxır və bizdən qorxmağa, bizimlə hesablaşmağa başlayırlar”. Bunu jurnalistlərə Azərbaycan gimnastı, idman gimnastikası üzrə Dünya Çempionatının bürünc mükafatçısı Oleq Stepko deyib.
Onun sözlərinə görə, Azərbaycan gimnastlarının cari il göstərdikləri nəticələr bu iddianın ən yaxşı təsdiqidir.
Xatırladaq ki, O.Stepko Qlazqoda keçirilən Dünya Çempionatında paralel qollar üzrə yarışın finalında 15,966 bal toplayaraq bürünc medal qazanıb və Rio-de-Janeyroda keçiriləcək 2016-cı il Olimpiya Oyunlarına lisenziya əldə edib.
Stadium.az xəbər verir ki, Stepko çıxışını belə dəyərləndirib:
"Qeyd etmək istəyirəm ki, ildən-ilə rəqabət artır. Əgər ötən il Dünya Çempionatında 16 bal toplayan gimnast birinci yeri tuturdusa, bu il artıq ilk üç gimnast 16 bal toplayıb. Gimnastikanın səviyyəsi artır, yüksək hazırlıq səviyyəsini göstərən çoxlu yeni maraqlı gimnastlar yetişir. Məsələn, götürək çıxışını daha əvvəl yalnız Panamerikan Oyunlarında gördüyüm Kuba təmsilçisini. Artıq o, Dünya Çempionatının ilk üçlüyündədir. Asan olacağını gözləmirdim, çünki bu, Olimpiadaya ən son seçimdir”.
Gimnast vurğulayıb ki, 2016-cı ilin fevralında Bakıda “Challlenge Cup” seriyalı idman gimnastikası üzrə Dünya Kuboku keçiriləcək və vəzifələrimdən biri bu yarışa hazırlaşmaqdır:
“Bu çox nüfuzlu turnirdir, bizim üçün ev turniri olduğunu da nəzərə almaq lazımdır. Buna görə də hazırda bu turnirə hazırlıq prioritetdir. Bundan başqa, Olimpiadanı unutmaq olmaz. Bu bizim üçün çox vacibdir və maksimum nəticələr göstərməyə çalışacağıq”.
Gimnastın sözlərinə görə, ümumilikdə ili uğurlu, lakin eyni zamanda çox ağır və gərgin hesab etmək olar: “İl təkcə mənim üçün deyil, həm də bütün gimnastika federasiyası üçün ağır oldu. Əgər federasiya, baş məşqçim olmasaydı, bu nəticələr də olmazdı. Bundan sonra işləməyə və Azərbaycanda gimnastikanın səviyyəsini yüksəltməyə çalışacağıq”.
İdman gimnastikası üzrə Azərbaycan millisinin baş məşqçisi Pavel Netreba vurğulayıb ki, Stepkonun nəticələrindən razı qalıb:
“Hesab edirəm ki, o layiqincə çıxış etdi. Dünya Çempionatı olduqca çətin yarışdır. Burada bütün ölkələrin ən güclü gimnastları iştirak edirlər. Qeyd etmək istəyirəm ki, Oleq ikinci yerdən cəmi 0,1 bal geridə qaldı, bu isə çox kiçik göstəricidir. Buna görə də o, ikinci və birinci yer uğrunda da mübarizə apara bilərdi. Fikrimcə, gələcəkdə bu da olacaq”.
Ümumilikdə bu günədək Azərbaycan 2016-cı il Rio-de-Janeyro Olimpiadasına 22 lisenziya qazanıb.
O.Stepkodan başqa, yüngül atletlər Dmitri və Anna Skidan, boksçular Albert Səlimov (60 kq), Elvin Məmişzadə (52 kq) və Pərviz Bağırov (69 kq), avarçəkənlər İnna Osipenko-Radomskaya (iki növdə), Valentin Demyanenko, Aleksandr Aleksandrov-Boris Yotov dueti, Yure Meqliç, yunan-Roma güləşçiləri Elvin Mürsəliyev (75 kq), Sabah Şəriəti (130 kq), Rövşən Bayramov (59 kq), Saman Təhmasibi (85 kq), Mariya Stadnik (48 kq), Anjela Doroqan (53 kq), Yuliya Ratkeviç (58 kq), sərbəst güləşçilər Toğrul Əsgərov (65 kq), Maqomedhacı Xatiyev (86 kq), Xetaq Qazyumov (97 kq), Cəmaləddin Maqomedov (125 kq) və gimnast Marina Durunda olimpiya lisenziyaları əldə ediblər.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |