Prezidentin rinqdə fitə basılmaqdan qoruduğu erməni danışdı

01.07.2015 | 5280 dəfə oxunub

Dünəndən prezident İlham Əliyevin Ukraynanın boks millisinin üzvü erməni əsilli idmançı Qevorq Manukyana etdiyi jest ölkə mətbuatının gündəmini zəbt edib. 

Stadium.az xəbər verir ki, qaliblərin mükafatlandırılması zamanı prezident İlham Əliyev Qevorq Manukyana gümüş medalı təqdim edərkən tamaşaçılar erməni idmançını fitə basıblar. Bu zaman dövlət başçısı onlara əl jesti ilə müraciət edərək edərək fiti dayandırmalarını istəyib. Prezidentin bu jestindən sonra oyunu izləyən azarkeşlər idmançını alqışlayıb. 

“Qafqazinfo” isə bu məqamda erməni əsilli idmançı Qevorq Manukyanla əlaqə saxlayaraq onun fikirlərini öyrənib. Boksçu prezident İlham Əliyevin göstərdiyi peşəkar davranışa sevindiyini bildirib:

“Bu mənim çox xoşuma gəldi. İlham Əliyevin mənə belə münasibət göstərməsi həqiqətən çox yaxşı idi. Azərbaycan prezidenti medal qazandığıma görə də məni təbrik etdi. Həqiqətən bu sevindirici idi”.

Manukyan azərbaycanlı boksçu Abdulkadir Abdullayevlə final görüşünə zədəli olduğu üçün çıxmadığını qeyd edib: “Zədəmə görə final görüşündə çıxış edə bilmədim”. 

Ukraynalı boksçu daha sonra Avropa Oyunları haqqında da fikirlərini bölüşüb:

“Avropa Oyunlarını çox bəyəndim. Hər şey gözəl idi. Təşkilatçılıq da yüksək səviyyədə idi. Azərbaycanlılar digər ölkələrdən gələn idmançılara necə münasibət göstərirdilərsə, mənə də elə münasibət göstərirdilər. Bu da məni sevindirdi. Bakını gəzə bilmədim. Çünki vaxtımız az idi və daha çox məşq edirdik. Amma Bakını gördüyüm qədəri ilə çox gözəl şəhər sayıram”. 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail