"Onunla ayaqlaşmağa çalışırdıq"

06.05.2015 | 2808 dəfə oxunub

“Tour d’Azerbaidjan-2015” veloyürüşünün bu gün keçirilən ikinci mərhələsinin ardından mətbuat konfransı keçirilib. Stadium.Az xəbər verir ki, Bakıdan İsmayıllıya qədər olan 187 km məsafəni ilk “üçlük”də başa vuran idmançılar fikirlərini açıqlayıblar.

Bu mərhələdə əvvəllər də qalib gələn Primoş Roqliç (“Adria Mobil”, Sloveniya) liderliyini sonadək qorumaq əzmində olduğunu qeyd edib: “Yürüşün bugünkü mərhələsi çətin mübarizə şəraitində keçdi. Əsas sonuncu yoxuşda çalışdım ki, var qüvvəmlə işləyim. Məncə, bunu bacardım. Bu qələbənin əhəmiyyəti mənim üçün çox böyükdü. Bu mənim İsmayıllıda 2-ci qələbəmdi. Ötən illə  indiki yarış arasında əsas fərq necə qalib gəlməyimdədi. Həmin vaxt ikinci yoxuşdan sonra rəqibimlə mübarizə aparıb qalib gəldim. Bu dəfə isə sonuncu yoxuşdan sonra komanda yoldaşlarımın hesabına liderliyi ələ aldım və finişə 1-ci çatdım. Özümü xoşbəxt hiss edirəm. Növbəti mərhələlər çətin olsa da, çalışacam ki, köynəkləri özümdə saxlayım”.

“Sinergy Baku”nun sloveniyalı velosipedçisi Matey Muqerli 2-ci yerin də sevindirici olduğunu bildirib: “Çox çətin mərhələ idi. Biz öncə yoxuşlardan istifadə edib, irəli atılmağı planlaşdırmışdıq ki, bu da alındı. Komandamız 3 idmançı ilə əla təqib edirdi. Mərhələnin qalibi olan Roqliç həmyerlimdi. Onunla ayaqlaşmağa çalışırdıq. Komandamızın heyətində yenidən fəxri kürsüdə yer aldığıma sevinirəm. Yarışa çox yaxşı hazırlaşmışıq. Bu yarış bizim üçün xüsusi əhəmiyyət kəsb edir. V mərhələ Bakı-2015-in marşrutu ilə eynidi və bu oyunlarda da qalib gəlmək istəyirik”.

3-cü olan Kristofer Horner (“Airgas-Safeway”, ABŞ) də göstərdiyi nəticədən razı qalıb: “Çox gözəl təbiətə heyran oldum. Azərbaycanın böyük potensialı var. Ölkədə iqtisadi inkişaf buna imkan verir. Gözəl iqliminiz, dağlarınız, meşələriniz, azarkeşləriniz var. Bu səbəbdən də mən “Tour d’Azerbaidjan”in gələcəyini yaxşı görürəm. Liderlər qrupu dəstədən ayrılanda burada 16 velosipedçi var idi. Komanda yoldaşlarımla bir-birimizi dəstəkləyərək ön pillələri qoruduq. İndiki halda bu da yaxşı nəticədi. Çünki cəmi 1 gün istirahət etmişdik”.

Mükafatçıların ardından “Sinergy Bku”nun üzvü Maksim Averin də fikirlərini bölüşüb: “Sprintdə daha güclüyəm. Bu mərhələdə məqsədim irəli atılıb, köynəyi əldə etmək idi. Dağ mərhələsində lider olan idmançıları keçmək mənim üçün çətin idi. Şəxsi nailiyyətim önəmli deyil. Əsas odu ki, komanda yoldaşım 2-ci oldu. Amma hələ yarış davam edir. Mən də ən yaxşı sprinterin daşıdığı köynəyi qorumağa çalışacam”.

Bənövşəyi köynəyin sahibi isə Frantişek Sisr  (“Dukla”, Çexiya) yarışla bağlı fikirlərini açıqlayıb: “Bənövşəyi köynəyə sahib olduğum üçün sevincliyəm. 7-ci yerə yüksəldim. 22 yaşım var və gələcəkdə peşəkar velosipedçi olmaq arzusundayam”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail