Reytinq cədvəli açıqlandı

01.05.2015 | 3394 dəfə oxunub

Beynəlxalq Şahmat Federasiyası (FİDE) yeni reytinq cədvəlini açıqlayıb. Stadium.Az xəbər verir ki, may üçün müəyyənləşən “Top-100”də Azərbaycan təmsilçiləri də yer alıb.

Qrossmeysterimiz Rauf Məmmədov ən güclülər sırasına döndüyü halda, yığmamızın aparıcı şahmatçıları – Şəhriyar Məmmədyarovla Teymur Rəcəbov mövqelərini yaxşılaşdıra bilməyiblər.

Belə ki, “Shamkir Chess 2015”də 6-cı olan Məmmədyarov ötən ayla müqayisədə 10 pillə geriləyib – 23-cü yer. Apreldə 19 reytinq xalı itirən həmyerlimizin aktivində hazırda 2735 xal var.

Ay ərzində heç bir matç keçirməyən Rəcəbov yerində sayıb. 2738 reytinq xalı olan Teymur yenə 21-cidi.

Onlardan fərqli, Məmmədov “Top-100”ə qayıdıb. 94-cü pilləyə yüksələn təmsilçimiz 2655 reytinq xalına malikdi.

Reytinq cədvəlinin ilk “üçlüy”ündə də dəyişiklik baş verib. “Shamkir Chess 2015”i qalib kimi bitirən Maqnus Karlsen (Norveç, 2876) yenə birinci olduğu halda, analoji yarışın ikincisi Vişvanatan Anand (Hindistan, 2804) reytinqdə də ikinci yerə qalxıb. Vüqar Həşimovun xatirə turnirində 4-cü olan italiyalı Fabiano Karauna (2803) isə 1 pillə geriləməklə, ilk “üçlüyü” qapayır.

FİDE, həmçinin rapid və blits növləri üzrə də reytinq cədvəlini yeniləyib. Sürətli şahmatçıların “100-lüy”ündə 4 təmsilçimiz yer alıb. Burada Şəhriyar Məmmədyarov (2784) 12-ci (+1), Teymur Rəcəbov (2741) 21-ci (+1), Qədir Hüseynov (2709) 37-ci (+3), Rauf Məmmədov (2681) 56-cıdı (+3). Siyahıda Hukaru Nakamura (ABŞ, 2850) liderliyi ələ alıb.

Blits növündə isə Rəcəbov 1 pillə geriləməklə 9-cu yerə düşüb. Onların aktivində 2808 xalı var. Əvəzində Məmmədovla Hüseynov irəliləyiblər. Onlar müvafiq olaraq, 1 və 18 rəqibini arxada qoymaqla, 15-ci (2772) və 74-cü pilləyə yüksəliblər. Məmmədyarov isə burada da geriləyib. Martda açıqlanan siyahıda Rəcəbovla 7-8-ci yerlərə şərik olan yığmamızın lideri 2749 xalla 24-cü yerə enib. Həmçinin, bunadək 74-cü pillədə qərar tutan Eltaj Səfərli “Top-100”ü tərk edib. Standart cədvəldə lider olan Karlsen (2933) burada da birincidi.

Qadınların cədvəlində isə ən güclü 100 şahmatçı arasında Azərbaycan təmsilçisi yer almayıb.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail