Milli komandamızın futbolçusu Vaqif Cavadov Estoniya və Qırğızıstanla yoldaşlıq oyunları haqqında fikirlərini bildirib: Mövsüm davam edir. Bizim bu il son 2 oyunumuzdur. İstəyirik ki, millidə ili yaxşı əhval-ruhiyyədə başa vuraq. Şimali İrlandiya və Rusiya ilə görüşlərdə pis nəticə qazanmadıq. Bu dəfə yoldaşlıq oyunlarına çıxsaq da, inanıram ki, qələbələrlə evə dönəcəyik. Bu haqda çox müzakirələr gedir. Foqtsun qalıb-qalmamasını biz futbolçular müəyyənləşdirmirik. Əlbəttə ki, başqa əcnəbi məşqçinin gəlməsindənsə, onun qalması daha yaxşı olar. Yekun qərarı AFFA rəhbərliyi verəcək. İnanıram ki, bu yöndə düzgün qərar qəbul olunacaq. Əminəm ki, kim milliyə baş məşqçi təyin olunsa, Azərbaycan futbolunun inkişafı üçün çalışacaq. Biz futbolçular da bunu istəyirik ki, ən düzgün seçim aparılsın. Əsas hədəfim yaxşı oyun göstərmək və beləcə qələbə qazanmaqdır. Mən və bütün uşaqlar bunu istəyir. Əks-hücum taktikası seçəcəyimizi deyə bilmərəm. Çünki baş məşqçi hələ taktiki göstərişlərini verməyib. Bu, oyundan bir gün öncə bilinəcək. Baxmayaraq ki, Estoniya millisi seçmə mərhələdə zəif çıxış etdi, ancaq deyə bilərəm ki, bu, yaxşı komandadır. Mübarizə aparmağı sevən kollektivdir".