"Premyer Liqanın səviyyəsi İspaniyanın ikinci divizionundan da aşağıdır" Müsahibə

12.06.2013 | 4195 dəfə oxunub

“Xəzər Lənkəran”ın futbolçusu Alvaro Silva İspaniya mətbuatına müsahibə verib. Stadium.az həmin müsahibəni təqdim edir:

- “Xəzər Lənkəran”da işlərin necə gedir?

- Əsas odur ki, komandaya uyğunlaşmışam. Orada Premyer Liqanın səviyyəsi İspaniyada ikinci divizionun səviyyəsindən də aşağıdır. Amma komandalar əcnəbi futbolçular hesabına rəqabəti gücləndirirlər. Azərbaycanda pul çoxdur. Təsadüfi deyil ki, Madrid “Atletiko”suna bu ölkə sponsorluq edir. Azərbaycanda ötən il “Eurovision” mahnı yarışması keçirilib.

- Con Toşakın “Xəzər Lənkəran”a baş məşqçi təyin olunmasına münasibətin necədir?

- “Xəzər Lənkəran” Azərbaycanın üç ən güclü komandasında biri olsa da, son mövsümdə uğursuz çıxış etdi. Yeddinci-səkkizinci qərarlaşan zaman bizə xarakterli, şəxsiyyəti güclü olan məşqçi lazım idi. Onun gəlişindən sonra komandamızda nizam-intizam xeyli dərəcədə gücləndi.

- Kubokun finalına vəsiqə qazansanız da, uduzdunuz və mövsümü mükafatsız başa vurdunuz.

- Heyf ki, belədir. Penaltilər seriyasında uduzmaq yaxşı hal deyil. Çempionluğu təmin edən “Neftçi” kuboka da sahib oldu. Biz isə Avropa Liqasına birinci mərhələdən başlayacağıq. İlk oyunumuz iyulda olacaq. İndi biz Avroliqaya köklənmişik. İyunun 19-da Almaniyaya, Münhenə gedəcəyik və avrokuboka hazırlığı da orada davam etdirəcəyik.

- Azərbaycanda yaşamaq çətin deyil ki?

- Çətinlik odur ki, son iki ay yarımı həyat yoldaşım və uşağım mənimlə birgə olmadı. Amma nə etmək olar. Bəzən, soyuqbaşla qərar vermək lazımdır. İspaniyada böhrandır.

- Sizin “Xəzər Lənkəran”la hələ daha bir illik müqaviləniz var?

- Bəli. Mən orada xoşbəxtəm.

- Azərbaycanda ispaniyalı futbolçular çoxdur?

- Bizim komandada mənimlə Toni Doblas çıxış edir. “Bakı”da bir vaxtlar “Numansiya”da da top qovmuş Mario oynayır. AZAL-da da bir ispan çıxış edir.

- Azərbaycanda həyat necədir?


- Orada durum fərqlidir. Əhalinin 90 faizini müsəlmanlar təşkil edir. Adət-ənənə başqadır. Amma əgər psixoloji cəhətdən uyğunlaşa bilsən, problem olmayacaq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail