Ramazan Abbasov: "İlk "6-lığ”a vəsiqə qazana bilərdik" Müsahibə

25.04.2013 | 5104 dəfə oxunub

"Rəvan"ın futbolçusu Ramazan Abbasov klubun rəsmi saytına müsahibə verib. Stadium.az həmin müsahibəni təqdim edir: 

- Son turda "Rəvan” forması ilə Premyer Liqadakı 40-cı görüşünü keçirdin. Yubiley barədə fikirlərini bilmək maraqlı olardı.

- Mənim üçün xoşdur, əlbəttə. Bir klubun formasını daim geymək futbolçu üçün hərtərəfli yaxşıdır. Çünki artıq mühit dəyişikliyinə ehtiyac qalmır. Bu da sabit oynamağına təsir göstərir. Öz təcrübəmə əsasən deyə bilərəm ki, tez-tez klub dəyişmək futbolçuya heç də yaxşı təsir etmir. Hazırda "Rəvan”da oynadığıma görə şadam, belə fürsətin olması xoşdur.

- Ötən mövsüm də "Rəvan”da idin. Bu iki komandanı müqayisə edə bilərsən?

- Müqayisə eləmək mənə çətindir. Ötən mövsüm də komanda yaxşı çıxış edirdi. Sadəcə, bu mövsüm olduğu kimi, bəzi həlledici məqamlarda yersiz xal itkiləri hədəfə çatmağa mane oldu. Məhz bu üzdən ilk "6-lığ”a düşə bilmədik. Məncə, bu oyununuzla ilk "6-lıq”da çıxış edə bilərdik. Sadəcə, ilk dövrədə itirilən xallar sonda həlledici oldu. Ancaq hiss olunur ki, "Rəvan”da artım gedir, yüksəliş var.

- Premyer Liqanın son iki oyununda ehtiyatda qalırsan, yalnız əvəzləmədən sonra meydana çıxırsan. Bu nə ilə bağlıdır?

- Bu, məşqçinin qərarıdır və ona hörmətlə yanaşıram. Məşqçi kimin oyuna daha yaxşı hazır olduğunu görür və öz seçimini edir. Mənə elə gəlir ki, Ramil müəllim hamıya şans verir. Sadəcə, bu şansdan yararlanmaq lazımdır. Komandamızda ayrı-seçkilik yoxdu, ola da bilməz.

- Sənin mövqeyində son oyunlarda Tofiq Mikayılov çıxış edir. Bu rəqabət sənə və oyununa necə təsir edir?

- Hər bir komandada rəqabət olmalıdır. Bu inkişaf üçün zəruridir. Hər bir futbolçu onu hər an lazımınca əvəzləyə biləcək oyunçunun olduğunu bilməlidir. Fikirləşməlidir ki, "boşalmaq” olmaz. Məşqlərdə səylə çalışmaq lazımdır ki, nə formanı itirəsən, nə də əsas heyətdəki yerini. Mən də məhz buna çalışıram.

- AZAL ilə oyunda meydana çıxdıqdan az sonra qol vurdun və sevincin emosional alındı. Səbəb nə idi?

- Yox, bunun nə iləsə əlaqəsi yoxdur. Sadəcə, komandamız uduzurdu və fərqi azaltdığıma görə sevindim. Adi instinktiv hərəkət idi.

- Bəs məğlubiyyətin səbəbləri nə idi, səncə?

- Dəqiq səbəbləri baş məşqçi düzgün bilər. Amma mənə elə gəldi ki, əzmkarlıqda rəqibə uduzduq. Son 4 oyundakı "Rəvan”ı görə bilmədik. Ümidvaram ki, evdə keçirəcəyimiz oyunda onlardan bu yenilginin əvəzini çıxacağıq.

- Ümumiyytlə, komandanı necə dəyərləndirirsən? Hazırkı komanda mövsümün əvvəlindən olsaydı, nəyə nail olmaq mümkün idi?

- Komanda haqda da daha düzgün məlumatı baş məşqçi verə bilər. Amma məncə, ən azından daha iddialı olardıq. İlk "6-lığ”a da vəsiqə qazana bilərdik.

- Qarşıdan "Turan”la matç gəlir. Komandadan nə gözləyək?

- Oyuna hazırlıq tam qaydasında gedir. Əvvəlki kimi səylə hazırlaşırıq. Təbii ki, qələbə üçün meydana çıxacağıq. Ən azı komandada ruh yüksəkliyi yaratmaq üçün bu vacibdir.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail