Ağasəlim Mircavadov: "Xəzər Lənkəran" finala yüksəlməklə böyük iş gördü" Müsahibə

25.04.2013 | 5543 dəfə oxunub

Azərbaycanın əməkdar məşqçisi Ağasəlim Mircavadov Futbolxeber.az saytına müsahibə verib. Stadium.az həmin müsahibəni təqdim edir:

- "Xəzər Lənkəran" dünən ölkə kubokunun 1/2 final mərhələsinin cavab görüşündə "Bakı"nı 2:0 hesabı ilə məğlub edərək, finala adladı. Sabiq komandanızdan bu cür oyun gözləyirdiniz?

- "Xəzər Lənkəran" hər zaman iddialı olub, komanda həmişə çempionluq və kubok uğrunda mübarizə aparıb. Cari mövsüm "Xəzər Lənkəran" ikinci "altılıq"da yer aldı və yeganə ümidi kubok idi. Komanda da gözəl anlayırdı ki, Avropaya gedən ən qısa yol ölkə kubokundan keçir. Deyərdim ki, "Xəzər Lənkəran" finala yüksəlməklə böyük iş gördü. İlk oyunda məğlub olmasına baxmayaraq, "Xəzər Lənkəran" cavab oyununda əla çıxış etdi. Komanda "Bakı" ilə cavab matçında öz oyunu ilə finala layiq olduğunu göstərdi. Bu qələbədə azarkeşlərin də böyük rolu oldu. Onlar komandalarına həmişə olduğu kimi möhtəşəm dəstək verdilər.

- "Qarabağ" - "Neftçi" oyununu necə dəyərləndirərdiniz?

- "Qarabağ" - "Neftçi" oyunu da gərgin, maraqlı alındı. Məncə, bu oyunun qırılma nöqtəsi ilk hissənin sonunda - "Neftçi"nin hesabı bərabərləşdirdiyi epizod oldu. Əgər, "Neftçi" hesabı erkən bərabərləşdirə bilməsəydi, nəticə başqa cür də ola bilərdi. Amma "Neftçi"nin qol buraxdıqdan dərhal sonra buna cavab verməsi komandanı finala daşıdı. Çünki ikinci 45 dəqiqədə "Qarabağ"ın "Neftçi" kimi güclü rəqibə 2 qol vurması çətin məsələ idi. İkinci yarıda "Neftçi" rahat şəkildə mübarizə apardı və ikinci qolunu vurdu.

- Aydın məsələdir ki, final oyunlarında favorit olmur. Siz necə düşünürsünüz, həlledici qarşılaşma öncəsi hansısa komandanın üstünlüyü var?

- Fikrinizlə tam razıyam. Final görüşlərində favorit olmur. Həlledici qarşılaşma 1 matçdan ibarətdir. Kim finala daha yaxşı hazırlaşsa, psixoloji durumu qaydasında olsa, həmin komanda da sonda kuboku qazanacaq.

- Heyətlərə görə üstünlüyü hansı komandaya verərdiniz?

- Bəllidir ki, heyətinə görə "Neftçi" üstündür. Komandanın oturuşmuş heyəti var. Amma bu məqama görə "Neftçi"nin favorit olduğunu söyləmək düzgün deyil. Bayaq da dediyim kimi, finalda favorit olmur. 1 oyundur və həmin matçı qazanmaq üçün komandalar bütün güclərini meydanda qoyacaqlar.  

- Mayın 1-də ümummilli lider Heydər Əliyevin anadan olmasının 90 illik yubileyinə həsr olunmuş veteran futbolçular arasında beynəlxalq yoldaşlıq oyunu keçiriləcək. Həmin matça dəvət almısnız?

- Bəli, almışam. Oqtay Abdullayev mənə dəvət göndərib. Həmin gün bizim veteranların baş məşqçisi olacağam.

- Aprelin 30-da Azərbaycanın ulduz futbolçuları ilə "Atletiko" arasında da yoxlama görüşü keçiriləcək. Həmin matçda azərbaycanlı futbolçuları meydana hansı baş məşqçinin çıxaracağı hələlik bəlli deyil. Belə bir təkliflə sizə müraciət edən olub?

- Yox, bu haqda mənə bir söz deyən olmayıb. Həm də mən eşitmişdim ki, "Atletiko" ilə "Bakı" qarşılaşacaq. İspanlarla "Bakı"nın yox, yerli futbolçulardan qurulmuş komandanın oynayacağını ilk dəfə sizdən eşidirəm.

- Son vaxtlar adınız "Qəbələ" ilə yanaşı hallansa da, keçən dəfə bu komandadan təklif almadığınızı demişdiniz. Bu məsələdə hansısa yenilik varmı?

- Yox, heç bir yenilik yoxdu. Mən də elə mətbuatdan oxuyurdum bu xəbərləri. "Qəbələ"dən heç kim mənimlə əlaqə saxlamayıb. Ümumiyyətlə, təkcə "Qəbələ"dən yox, heç bir klubdan təklif almamışam.  



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail