Əfran İsmayılov: "Qarabağ"da əvəzedilməz futbolçu yoxdur" Müsahibə

01.04.2013 | 4652 dəfə oxunub

"Qarabağ"ın və milli komandamızın üzvü Əfran İsmayılov Futbolxeber.az saytına müsahibə verib. Stadium.az həmin müsahibəni təqdim edir:

- Ölkə çempionatının son turunda komandanız "Qəbələ"ni məğlub etdi. İstərdik ki, ilk növbədə həmin oyunla bağlı fikirlərini öyrənək.

- Bilirdik ki, bizi ağır oyun gözləyir. Ona görə də "Qəbələ" ilə matça çox ciddi hazırlaşmışdıq. Cari mövsümdə "Qəbələ" ilə 4 dəfə oynamışdıq və heç birində qələbə qazana bilməmişdik. Buna görə də uğursuzluğa son qoymalıydıq. Şadam ki, istəyimizə çatdıq. 90 dəqiqə ərzində gərgin mübarizə oldu. Amma biz daha yaxşı oynayaraq, 3 xalı qazandıq.

- "Qəbələ" ilə görüşə komandanız ciddi itkilərlə çıxmışdı. Vaqif Cavadov və Vüqar Nadirovun yoxluğu çıxışınıza nə dərəcədə göstərdi?

- Aparıcı futbolçuların olmaması oyunumuza ciddi təsir göstərmədi. Çünki "Qarabağ" hər zaman komanda oyunu sərgiləyir. Bu dəfə də istisna olmadı. Bizim komandamızda əvəzedilməz futbolçu yoxdur. Mən olmasam, başqası oynacaq. Buna görə də 1 və ya 2 futbolçunun olmaması heç vaxt "Qarabağ" üçün ciddi probelm sayılmır.

- Sonuncu matçda baş məşqçiniz Qurban Qurbanov əsas heyətdə qışda komandaya cəlb olunan futbolçulardan Reynaldo, Torres və Oparaya şans verdi. Bu oyunçulardan ən çox hansının çıxışını bəyəndin?

- Oparanın oyunu digərləri ilə müqayisədə daha çox xoşuma gəldi. Düzdür, elə də sürətli oyun sərgilmədi. Amma Opara fərdi bacarığı sayəsində irəlidə yaxşı top saxlayırdı. Eləcə də daim rəqib müdafiəçiləri təzyiqdə saxlamağı bacarırdı. Buna görə də Oparanı fərqləndirərdim. İnanıram ki, tez bir zamanda həm Opara, həm də komandamıza qışda qoşulan digər futbolçular da tez bir zamanda optimal forma yığaraq, komandaya faydalı olacaqlar.

- Qarşıda komandanızı "Neftçi" ilə oyun gözləyir. Bu oyun haqda hansı fikirdəsən?

- İlk növbədə onu deyim ki, bizi qarşıda çox çətin oyun gözləyir. "Neftçi" çox güclü komandadır, heyətlərində yaxşı futbolçular var. "Neftçi" son 2 ili çempionu, eləcə də hazırki liderdi. Buna görə də bizi çətin oyunun gözlədiyi dəqiqdir. Özü də səfərdə çıxış edəcəyik. Amma cari mövsümdə 2 dəfə "Neftçi" ilə qarşılaşmışıq və hər iki oyunda da qələbə qazanmışıq. İnanıram ki, bu dəfə də eyni uğura imza atacağıq.

- Çoxları hesab edir ki, qarşıdakı "Neftçi" - "Qarabağ" oyunu çempionluğun taleyində mühüm əhəmiyyət kəsb edəcək...

- Bəli, mən də bu fikirlər razıyam. Həqiqətən də qarşıdakı oyun bir çox suallara aydınlıq gətirəcək. Mən də o fikirdəyəm ki, "Neftçi" ilə oyunda çox şey dəyişə bilər. Biz bu oyunda qələbə qazansaq, çempionluq şansımız daha da artacaq.

- "Qarabağ"ın cari mövsümdə çempion olması nə dərəcədə realdı?

- Həyatda real olmayan heç nə yoxdur. Şans hər zaman var. Bizim də məqsədimiz odur ki, çempion olaq. Bunun üçün də sonadək mübarizə aparacağıq. İnşallah, bu turda "Neftçi"yə qalib gəlsək, çempionluq şansımız artacaq.

- Əfran, son oyunlarda oyununda yüksəliş hiss olunur. Amma hələ də tam olaraq əvvəlki formanı yığmamısan. Azarkeşləri daha çox bir sual düşündürür: 2 il əvvəl, Avroliqada əla çıxış edən Əfranı yenidən nə vaxt görə biləcəyik?

- Yavaş-yavaş əvvəlki formamı bərpa edirəm. Mən də çalışıram ki, yüz faiz hazır olum. Həm "Qarabağ"a, həm də milli komandaya kömək edə bilim. İnşallah, tez bir zamanda formamı tam yığacağıma inanıram. Qarşıda bizi ağır oyun gözləyir. Həm klubda, həm də millidə. İnşallah, avrokuboklara vəsiqə qazanacağımıza inanıram. Avrokuboklarda oynamağı, uğur qazanmağı çox istəyirik. Ötən il avrokuboklardan kənarda qaldıq. Hər birimiz Avropa üçün darımıxşıq. İnanıram ki, bu dəfə həm avrokuboklara vəsiqə qazanacağıq, həm də orada uğurlu çıxış edəcəyik. Avroliqada müvəffəqiyyət qazanmaq üçün tək mən yox, ümumilikdə "Qarabağ"ın bütün futbolçuları tam güclərini ortaya qoymalıdırlar.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail