"Çelsi"nin
futbolçusu Eden Azar Avroliqanın 1/4 final mərhələsinin püşkatmasına münasibət
bildirib. Stadium.az xəbər verir ki, belçikalı futbolçu Rusiyada oynamağın çətin olduğunu bildirib: "Çoğrafi
nöqteyi nəzərdən bəlkə də biz başqa rəqiblər qarşılaşmaq istərdik. Çünki indi
uzun məsafə qət etmək məcburiyyətində qalacağıq. Amma istənilən halda, biz növbəti
mərhələyə adlamalıyıq. Lakin etiraf etmək lazımdı ki, Rusiyada oynamaq həmişə çətin
olub. İlk oyunu evdə keçirməyimiz müsbət haldır. Belə olan halda, əlimizdən gələni
etməliyik ki, istədiyimiz nəticəni qazanaq. İndidən konkret nəticə barədə
danışmq tez olardı. Ancaq elə etməliyik ki, Kazana rahat yollanmaq üçün sərfəli
nəticə qazanaq. Məqsədimiz yarımfinala yüksəlməkdi. İstəyimizə çatmaq üçün də əlimizdən
gələni edəcəyik". Xatırladaq ki, Avroliqanın 1/4 final mərhələsi çərçivəsində
"Çelsi" "Rubin"lə qarşılaşacaq. Komandalar arasında ilk
oyun "Stemford Bric"də baş tutacaq.