Xavi: "Milan" və "Real"a məğlubiyyətlər bizim qürurumuza zərbə endirdi"
11.03.2013 | 6271 dəfə oxunub
"Barselona"nın yarımmüdafiəçisi Xavi Hernandes sabah Çempionlar Liqasının 1/8 final mərhələsinin cavab oyunu çərçivəsində "Milan"a qarşı keçirəcəkləri oyun haqda danışıb. Stadium.az xəbər verir ki, təcrübəli futbolçu sona qədər mübarizə aparacaqlarını bildirib: "Mən "Milan"la oyuna optimist yanaşıram. Baxmayaraq ki, ilk oyunda 0:2 hesabı ilə uduzmuşuq. Bizim qarşıda 90, bəlkə də 120 dəqiqəmiz var ki, vəziyyətimizi düzəldək. Amma sabahkı oyunda hər şey ola bilər. "Milan" istedadlı futbolçulardan qurulmuş komandadır. Onlar hava mübarizələrində əla oynayırlar və rəqibin səhvlərindən faydalanmağı çox yaxşı bacarırlar. Biz olduqca diqqətli olmalıyıq: topa daha çox sahib olmalı, rəqibə əks-hücum şansı verməməli, ağılsız cərimələr etməməliyik. Bizim hücumlarımız kəskin alınmalı, açıq futbol sərgiləməliyik. "Milan" və "Real"la oyunlardan sonra bizim qürurumuzu zərbə dəydi. İndi vəziyyəti düzəltməliyik. Bunun da yeganə yolu "Milan"la matçda lazımı nəticəni qazanmaqdır. Qələbə üçün sonaqədər mübarizə aparmalıyıq".