Erik Ramos: “Əsas rəqibimiz “Qarabağ”dı" Müsahibə
Erik Ramos futbol həvəskarlarına yaxşı tanışdır. “Neftçi”nin uğurlu transferlərindən olan 25 yaşlı paraqvaylı dayaq yarımmüdafiəçisi komandanın aparıcı futbolçularından biridir. “Neftçi”nin Avroliqanın qrup mərhələsinə yüksəlməsində pay sahibi olan paraqvaylı futbolçu hazırda komandanın Antalya toplanışında düşərgədə yer almaqdadır. Ötən il millidə 5 oyuna çıxan, ancaq “Neftçi”yə gəldikdən sonra əsas komandaya dəvət almayan futbolçuya veriləcək suallar arasında bu mövzu da vardı. Amma əvvəlcə komandanın hazırkı durumundan başladıq.
- Komandada vəziyyət necədir?
- Hər şey yaxşıdır.
Məşqlərimizi edir, oyun olanda oynayırıq. Hər şey öz qaydasında davam edir.
- Komandanın hazırlıq planı
səni tam qane edirmi?
- Əlbəttə, işlər
qaydasındadır. İndi komandaya İspaniyadan fiziki hazırıq üzrə məşqçi də gəlib. Ümid
edirəm ki, onun da bizə böyük xeyiri dəyəcək.
- Fiziki hazırlıqdan söz düşmüşkən,
bu yöndə işlər necədir?
- Hazırki vəziyyətə
görə qaydasındadır. Qarşıda hələ vaxtımız da var. Toplanışın sonuna kimi daha da
hazırlıqlı olacağıq.
- Keçirilən üç yoxlama oyununda
qalib gəldiz...
- Bunlar dəqiq
bir göstərici sayılmamalıdır. Əsas odur rəsmi oynlarda uğurlu çıxış edək.
- Necə düşünürsən, bu komanda
çempionluq titulunu saxlayacaq gücdədir?
- Bizim komanda
güclüdür və indi güclənmək yönündə işlər davam edir. Rəhbərlik komandaya yeni futbolçular
da gətirib. Əsas odur ki, gələnlərin komandaya xeyiri olsun.
- Komanda daha da güclənməlidir?
- Buna mən qərar
vermirəm.
- Davam edən toplanışda səni qane
etməyən nəsə var?
- Yox, mən belə
düşünmürəm. Hər şey qaydasındadır.
- Avroliqa zamanı çox yorulmuşduz.
Bəs indi vəziyyət necədir?
- Biz digər klublarla
müqayisədə bir-birindən ağır 12 oyun artıq keçirmişdik. Bu da bizim yüklənməyimizə,
yorulmağımıza səbəb olmuşdu. Ancaq vəziyyət getdikcə qaydasına düşməkdədir.
- Bu toplanış o yorğunluğu tam
olaraq aradan qaldıra biləcək?
- Məncə tam olmasa
da, kömək edəcək. Futbolçu ancaq mövsümlərarası fasilədə yorğunluğunu unuda bilər.
Amma bizdə bu yoxdur. Mövsümlərarası fasilədə Avroliqa oldu, sonra hələ də davam
edən çempionat. Belə gərgin qrafikdə dincəlməyə vaxt qalmır axı.
- Çempionatda “Neftçi”nin şanslarını
necə qiymətləndirirsən?
- İndiki duruma
görə bizim vəziyyətimiz daha da yaxşı olmalıydı. Ancaq yersiz oyunlarda xallar itirdik. Əks halda indi lider biz idik. İndiki vəziyyətimizi də pis adlandırmaq olmaz. Biz çempionatın əsas favoritlərindənik. Bunu qış fasiləsindən sonra bir daha görəcəksiniz.
- Bəs “Neftçi”nin əsas rəqibi kimi hansı komandaları görürsüz?
- Çempionat olduqca maraqlı keçir. İndi hansısa bir oyunda kimin qalib gələcəyini əvvəlcədən demək olmur. Ancaq komandaların gücləri də müəyyən mənada bəllidir. Məncə bizim əsas rəqibimiz “Qarabağ”dır. Onlar çox yaxşı formalaşıblar və gözəl oyun göstərirlər.
- Çempionluq sözü verə bilərsən?
- Yox, bunu demək peşəkar futbolçuya yaraşmaz. Ən azından digər komandalara hörmətsizlik olar.
- Komandaya baxışa gələn futbolçular barədə nə düşünürsən?
- Onlar barədə qərar vermək mənə aid deyil.
- Daha əvvəl Paraqvay millisində çıxış etmisən. İndi niyə diqqətdən kənarda qalmısan?
- İndi heç özüm də Paraqvay millisində oynamaq istəmirəm. Çünki milli komandanın vəziyyəti çox pisdir.
- Bunu başa düşdük, axı sənə niyə diqqət göstərmirlər, maraqlanmırlar?
- Bilirsiz, millidə rəqabət çox yüksəkdir. Hazırda Paraqvay millisində səviyyəcə yüksək çempionatlarda çıxış edən futbolçular oynayır. Onlar olan yerdə millinin məşqçilərinin uzaq yerdə olan futbolçuya diqqət etmələri çox çətindir. Çünki mən onlardan çox uzaqdayam.
- Səninlə heç maraqlanmırlar?
- Niyə ki, arada olur.
- Sən “Neftçi”ylə hansı səviyyəyə çatmalısan ki, yenidən milliyə dəvət alasan?
- Bunu milli komandanın baş məşqçisi bilər.
- Avroliqanın qrup mərhələsində oynadın, yenə də diqqətlərini çəkmədin. Onda belə düşünmək olar ki, Paraqvay millisinin qapıları sənin üçün bağlanıb?
- Yox, mən belə düşünmerəm. Hər futbolçunun özünün zamanı var. Yəqin, mənə də növbə çatacaq.
- “Neftçi”dən getmək barədə düşünürsən?
- Yox, hələlik belə fikrim yoxdur.
- Bəs başqa təkliflərin var?
- Əlbəttə, bir çox təkliflər almışam, amma hazırda klubumla müqaviləm var və mən buradakı durumumdan məmnunam. “Neftçi”də hər şey məni qane edir.
- Təkliflər haradandı?
- Bir çox yerdən var, amma bu barədə konkret danışmayacam.
- Azərbaycan və Bakı barədə hansı fikirdəsən?
- Ölkəniz xoşuma gəldi. Tam səmimi deyirəm. Çox mehriban insanlarınız var. Bura mənim üçün olduqca gözəldir. İnsanlar da mehriban və müasirdirlər.
- Bəs Bakı?
- Bakı da çox qəşəng şəhərdir. Həqiqətən Bakını çox bəyənirəm. Çox müasir şəhərdir, insanları kimi.
- Bəzi əcnəbi futbolçular futboldan sonra da burada yaşamaq istəyirlər. Sən bu barədə nəsə düşünmüsən?
- (gülür) Həqiqətən də belədir. Niyə də olmasın? Bu barədə mən düşünmüşəm, amma hələ qəti qərara gəlməmişəm.
ELNUR, Antalya, "Het-trik news" qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |