Şota Arveladze "Qalatasaray" üzərindəki qələbəni şərh etdi
19.01.2013 | 3841 dəfə oxunub
Türkiyə
Superliqasının ikinci dövrəsinin açılış matçında "Qalatasaray" üzərində
əzmkar qələbə qazanan (2:1) "Kasımpaşa"nın baş məşqçisi Şota
Arveladze komandasının qalibiyyətini şərh edib. Stadium.az xəbər verir ki, gürcü mütəxəssis qələbədən
dolayı şad olduqlarını və futbolçularını təbrik etdiyini bildirib: "Fasilədən
sonra çempionatın ilk oyunu hər zaman çox çətin keçir. Çünki müəyyən fasilədən
sonra yenidən futbol havasına uyğunlaşmaq çətin olur. Fasilə zamanı əla
hazırlıq keçsəniz də, ilk oyun yenə də çətin alınacaq. Bu, bütün komandalara
aiddir. Fərqi yoxdur, lider olsun və ya autsayder. Fasilə zamanı biz də yaxşı
hazırlıq keçdik və bu gün əziyyətimizin bəhrəsini gördük. Bu qələbə bizim fasilədən
düzgün istifadə etdiyimizə işarədir. Futbolçularımızı da təbrik edirəm. Onlar
böyük iş bacardılar. "Qalatasaray" kimi səviyyəli bir komandanı məğlub
etmək sizə asan gəlməsin. Bu səbəbdən də hazırda özümüzü çox xöşbəxt hiss edirik.
Məqsədimiz qarşıdakı oyunlarda da bu uğurun ardını gətirməkdi. İkinci dövrəyə
yaxşı start verməyi çox istəyirdik və arzumuza çatdıq. O ki qaldı transfer
çalışmalarına, danışıqlar davam edir. Biz sıradan bir futbolçu almaqğı düşünmürük.
İstəyirik ki, heyətimizə cəbl edəcəyimiz futbolçu "Kasımpaşa"nın və
Superliqanın adına yaraşan şəkildə olsun".