Musayev tapşırır, Şirəliyev əməl edir, Diniyev işsiz qalır ARAŞDIRMA
Azərbaycanda digər sahələrdə olduğu kimi, futbolun da monapoliyaya çevrilməsi sirr deyil. Düzdür, ölkə futboluna Rövnəq Abdullayev cənabları başçılıq edir və prezident yanında cavabdeh şəxsdir, amma onun idarəçiləri meydan sulayır. Abdullayevin millini tapşırdığı Elxan Məmmədovla Elşad Nəsirov ölkənin əsas yığmasını hər keçən gün geriyə sürükləməkdədirsə, çempionatın təşkilinə, keçirilməsinə cavabdeh olan Ramin Musayev də burada qan eləyir. Futbol ictimaiyyətinin hamısı yaxşı bilir ki, Musayev vəzifəsi hesabına istədiyi komandanı istədiyi yerə gətirir və ya istədiyi zibilliyə sürükləyir. Hakimlər də onun tapşırıqlarını yerinə yetirir ki, bu, gözlənilməz bir hadisə sayılmamalıdır, amma klubların da Musayevin sözündən çıxa bilməməsi bu ölkə futbolunun hansı dərəcədə acınacaqlı gündə olmasından xəbər verir. Qardaş, digər tərəfdən baxanda, klubları da qınamaq olmur, Ramin müəllimin sözündən çıxacaqlar, özləri üçün böyük düşmən qazanacaqlar. Axı hansı klub istəyər ki, Premyer Liqanı keçirən və ya ona ata malı kimi yiyələnən kəslə düşmən olsun? Heç biri. Ramin Musayevə gözün üstə qaşın var deməyən, bir sözünü iki eləməyən, dediyi hər sözünə təbəssüm göstərən klub var ki, bax belələrindən biri də “Rəvan”dır. O “Rəvan” ki, cari mövsümdə məşqçi dəyişmək baxımından rekord qırmağı planlaşdıran bu komanda bir müddət əvvəl baş məşqçi Kemal Alispahiçi istefaya göndərərək, onu Ramil Əliyevlə əvəzlədi. Bosniyalı mütəxəssisin gedişindən daha çox, onu gənc, böyük təcrübəsi olmayan Əliyevin əvəzləməsi daha böyük sürpriz oldu. Hansı cəhətinə görə Ramil Əliyev Kemal Alispahiçdən üstün tutuldu? Həqiqətənmi Cavad Gülər, Bəhmən Həsənov və Kemal Alispahiçləistəyinə çata bilməyən “Rəvan”ın rəhbərliyi arzuların təcrübəsiz Əliyevlə reallaşdıracağına inanır? Təbii ki, bu təyinat baş aldatmaqdan başqa bir şey deyil(di). Bu qərarın arxasında başqa məqamlar durur. Daha doğrusu, Ramin Musayevin barmağı. Redaksiyamıza daxil olan məlumatda bildirildi ki, Kemal Alispahiçin istefasından sonra onu təcrübəli mütəxəssis, vaxtilə “Kəpəz” və “Qarabağ”ı, eləcə də milli komandamızı çalışdıran Şahin Diniyev əvəzləməli imiş. Klub rəhbərliyi Diniyevlə görüşərək, bütün detalları razılaşdırıblar. Məsələyə nöqtəqoyulan zaman isə ortaya əmma çıxıb... Yenə də Ramin Musayevin barmağı...
Aydın məsələdir ki, Peşəkar Futbol Liqasının (PFL) prezidenti Ramin Musayevlə Şahin Diniyevin münasibətləri qaydasında deyil. Bu da ondan qaynaqlanır ki, Ramin Musayev “Neftçi”nin vitse-prezidenti olan zaman millini çalışdıran Şahin Diniyev bu komandanın əsas futbolçusunu seçmə komandaya dəvət etmirdi. Buna görə Rəşad Sadıqov bir neçə ay futbolsuz qalmışdı ki, Ramin Musayev bunun günahını məhz Şahin Diniyevdə görürdü. Bu səbəbdən də PFL başqanıklublara göstəriş verib ki, heç kim Diniyevi komandasına gətirməsin. Əks halda, həmin klub Musayevin “qara siyahı”sına düşəcək. Elə Diniyevin “Rəvan”a gedən yolunu da məhz Musayev bağlayıb. Şahin müəllimin bu komandayla anlaşmaq üzrə olduğunu xəbər tutan Musayev “Rəvan”ın vitse-prezidenti Bəhruz Şirəliyevə zəng edərək, pərdəarxası olaraq ona hədə-qorxu gəlib. Yəni deyib ki, Diniyevi komandaya gətirsələr, PFL-dən əllərini üzsünlər – oldular düşmən. Azərbaycan futbolu adına utancverici bu məsələyə aydınlıq gətirmək üçün olayda adıkeçən hər üç tərəfə - Şahin Diniyevə, Ramin Musayevə və “Rəvan”ın vitse-prezidenti BəhruzŞirəliyevə tribuna verdik. Haşiyəyə çıxaraq əvvəlcədən qeyd edim ki, tərəflər bu xəbəri təkzib etsələr də, atalar əbəs yerə deməyib, “od olmayan yerdən, tüstü çıxmaz”. Onsuz da hər 3 tərəfin xəbəri təkzib edəcəyini onlara zəng etməzdən əvvəl bilirdik. Sadəcə olaraq, biz öz vəzifəmizi yerinə yetirdik ki, qoy, fikirlərini bildirsinlər.“Rəvan”ın altını-üstünə çevirən, komandaya olmayan titulları “qazandıran” vitse-prezidenti Bəhruz Şirəliyevin məsələyə münasibəti belə oldu: “Bunlar hamısı boş söhbətlərdi. Diniyev əsl mütəxəssisdi. Aramızdakı münasibət də əladı. Düzdü, əvvəllər Şahin Diniyevlə”Rəvan”a gəlməsi haqda söhbətimiz olub. Hələ Alsipaniç istefaya getməzdən qabaq onunla bu barədə danışmışdıq, lakin tamam başqa səbəbdən danışıqlarımız alınmadı”.
Yalan da olsa, maraqlıdır.
Hər daşın altından barmağı çıxan PFL başqanı Ramin Musayevlə də danışdıq: “Hazırda heç kim deyə bilməz ki, futbol ictimayəti arasında kiminləsə münasibətim pisdi.Mən futbolçu və yaxud da məşqçi deyiləm ki, Şahin Diniyevlə aramızda hər hansı bir qalmaqal baş versin. Kimin qismətində nə varsa, o da olacaq. Allah yazıbsa, həyata keçəcək. Əks halda, nə istəyirsən elə, xeyri yoxdu. Məşqçi kimi Diniyevə hörmətim var. Yaxşı mütəxəssisdi. Münsibətimiz də qaydasındadı”.
Musayevin növbəti ağ yalanına siz də şahid olduz. Nə deyək, kişi düzüb-qoşmağın mahir ustasıdır da. Bu məsələni də belə yola verdi, guya da...
Təbiətcə mülayim insan olan Şahin Diniyevin də münasibətini öyrəndik. Onunla söhbət zamanı açıq şəkildə bilinirdi ki, Diniyev yalan danışmaqdan utanaraq sualımıza cavab vermək istəmir, amma biçarə qalıb məcburi yalan danışmaqdan da qaça bilmədi: “Sizdən qabaq başqa bir jurnalist də zəng vurub, bu haqda sual verdi. Ona da bunların hamısının şaiyə olduğunu bildirdim. Deyilənlər hamısı yalandı. Ümumiyyətlə, hamıyla münasibətim normaldı. Digər tərəfdən isə adam faktla danışar, amma mənim əlimdə elə bir fakt yoxdur ki, Ramin Musayev mənlə bu cür düşmənçilik edir. Ona görə də bu haqda nəsə deməyim düzgün deyil. “Rəvan”a gəlincə, gizlətmirəm, onlarla sözhbətimiz olub. Ancaq indi yox, çoxdan. Yaxın vaxtlarda belə bir söhbətimiz olmayıb. Nə mən tərəfdən, nə də onlar tərəfdən bunu konkretləşdirməmişik. Yalan danışmağın yeri yoxdu. Sadəcə iş barəsində fikir mübadiləmiz olub. Ondan sonra isə heç bir danışığımız olmayıb”.
Şahin müəllimə verdiyimiz çoxlu sayda sualların cavabarından bunları çıxardıb diqqətinizə ərz etdik. Yəqin ki yox, mütləq olaraq bunları Ramin Musayev də oxuyacaq, Bəhruz Şirəliyev də, Şahin Diniyev də. Əvvəlcə Musayevə sözümüz olacaq. Ramin müəllim, hər necə insansızsa, bunu qoyaq kənara. Amma düşünün ki, bir nəfərin işinə, işləməsinə əngəl olmaqla onun və ailəsinin, balalarının çörəyinə mane olursuz. Düzdür, Diniyev acından ölmür, amma o da işləmək istəyir. Səddinizi çəkin onun önündən. Heç olmaya, Diniyevin sizi pis ayaqda qoymamasından ar edin.
“Rəvan”ın rəhbəri Bəhruz müəllim, sizin klubun Nuru Əliyev kimi sahibi var. O ola-ola, ipinizi Musayevin və ya başqa birisinin əlinə verməyin. İstədikləri vaxt sağa da çəkəcəklər, sola da. Özünüzü və klubunuzu oyuncağa çevirməyin.
Diniyevə gəlincə, Şahin müəllim İsrail – yahudi məktəbi görüb, ona nəsə deməyəcəyik. Özü bilən məsləhətdir, amma haqının tapdalanmasına da göz yummamalıdır.
Sahib ZEYNALOV
"Het Trik News" qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |