Əl-Şəravi: "Ümid edirəm ki, "Milan" məni satmayacaq" Müsahibə
İtaliya futbolunun və "Milan"ın gənc ulduzu Stefan Əl-Şəravi bu günlərdə "La Stampa" nəşrinə müsahibə verib. Əl-Şəravi müsahibəsində hazırkı durumu, "Milan"dakı çıxışı, İtaliya millisi, gələcək planları, Messi, eləcə də yeni il istirahəti haqda danışıb.
HAZIRKI DURUMU
1 il
əvvəl mənim gələcəyim sual altında idi. Bəziləri "Milan"da qala
bilməyəcəyimi deyirdi. Çoxları ehtimal edirdi ki, "Cenoa"ya geri
dönəcəyəm. Təəssürat yaranmışdı ki, "Milan"da mənə yer yoxdu. Lakin
cari mövsümün əvvəlində vəziyyət çox dəyişdi. Sözün açığı, özüm də inanmırdım
ki, mövsümə belə əla başlaya bilərəm. Builki çıxışım mənim üçün də sürpriz
oldu. 1 il əvvəl komandadan gedəcəyim deyilirdi, indi isə çempionatın
bombardiriyəm. Halbuki ötən il kimsə mənə, indi "A" seriyasının ən
sərrast futbolçusu olacağımı desəydi, inanmazdım.
İTALİYA MİLLİSİ
Çox
sevinirəm ki, İtaliya millisində gənc futbolçulara şasn verilir. Baş məşqçimiz
Balotelliyə və mənə güvənir. Zaman dəyişir. Biz də millidə baş verən
dəyişikliklərin bariz nümunəsiyik. Mənim soyadım əcnəbi soyadıdır. Balotellidə
olduğu kimi. Amma mən də, o da özümüzü 100 faiz italyan hesab edirik.
Parlamağıma gəlincə, deyə bilərəm ki, bunda iqtisadi böhranın böyük rolu oldu. Komandamızın
maddi baxımdan böhran yaşaması gənc futbolçuların özünü göstərməsinə imkan
yaratdı. Bizə yalnız bir qədər inam lazım idi. Mən bu şansdan maksimum
faydalanmağa çalışdım. Əgər
komandanızda istedadlı gənclər varsa, o zaman ölkə xaricindən futbolçu gətirməkdə
məna görmürəm.
"MİLAN"
Mən "Milan"a uşaqlıqdan azarkeşlik edirəm.
İndi isə bu komandanın bir hissəsi olduğum üçün fəxr edirəm. Bu, mənim üçün
böyük bir şərəfdir. İndiki məqamda futbolda dəqiq heç nə yoxdur. Sabah harada
olacağını heç bir futbolçu öncədən proqnozlaşdıra bilməz. Amma mən gələcəkdə də karyeramı
məhz "Milan"da davam etdirmək istəyirəm. Heç yana getmək fikrində
deyiləm. Ümid edirəm ki, hətta əla təklif gələcəyi halda, klub məni heyətində saxlayacaq.
Hansı şərtlə olur-olsun, başqa kluba satılmaq istəmirəm.
"A" SERİYASI
Artıq 1 ildən çoxdur ki,
"Yuventus" yüksək tempdə çıxış edir. Lakin onları indidən çempion
hesab edənlərin fikri ilə razı deyiləm. Kim nə düşünür, düşünsün, amma biz
"Yuventus"a çata bilərik. Mövsüm davam edir, hər şey mümkündür. İndidən
yekunda hansı komandanın neçənci yeri tutacağını proqnozlaşdırmaq imkansızdır.
Amma real yanaşsaq, bizim əsas məqsədimiz ən azı üçüncü yeri tutmaqdı.
ÇEMPİONLAR LİQASI
Təbii ki, püşkatmada bəxtimiz gətirmədi. Amma futbolda imkansız heç nə yoxdur. Əsas odur ki, kataloniyalılarla oyuna ideal formada çıxaq. "Barselona"ya qarşı duruş gətirmək hər bir komandanın, futbolçunun arzusudur. Çünki hamımız yaxşı bilirik ki, "Barsa" dünyadakı ən güclü komandalardan biridir. Messiyə qarşı oynamaq çox maraqlı olacaq. Bu haqda düşünərkən belə, keçirdiyim emosiyaları sözlə təsəvvür edə bilmərəm. Leo yüksəksəviyyəli futbolçudur. Mən də onun səviyyəsinə çatmaq istərdim. Onun adı sürətin və peşəkarlığın sinonimidir.
ARZUSU
İndi çempionatın ən yaxşı bombardiri olmağı və qarşıdakı dünya çempionatında çıxış etməyi arzu edirəm. Düşünürəm ki, bu, istənilən futbolçunun arzusudur. Cənab Prandelli ilə münasibətlərimiz əladır. O gənclərə güvənir. Bu isə hər bir cavan oyunçu üçün böyük əhəmiyyət daşıyır. Çünki məşqçinin inamını görərkən futbolçu özünü komandanın bir parçası hiss edir. Gənclər millisinin heyətində oynadıqdan sonra özümü yaxşı hiss edirəm. Gücümə güvənirəm və milliyə fayda verə biləcək gücdə olduğumu zənn edirəm.
İSTİRAHƏTİ
Yaranan qısa fasilə zamanı Dubaya
yollanacağam. Orada yaxşıca dincəlməyi planlaşdırıram. Özü də xərcə
düşməyəcəyəm. Çünki mövsümün əvvəlində Ambrozini ilə mərcə girmişdik. O demişdi
ki, qışa qədər mən 10 qol vura bilməyəcəyəm. Mən isə bu normanı artıqlamasıyla
yerinə yetirdim. Uduzan qalib tərəfin yeni il xərclərini ödəməli idi.
Ambroziniyə bir daha təşəkkür edirəm. İndi onun hesabına pulsuz istirahət
edəcəyəm (gülür).
"Het-trik news" qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |