"Komandaya qiyməti hansısa mövqeyə görə yox, qazanılan nəticəyə görə verirlər"
Topaz Premyer Liqasında qış fasiləsidir. Sözsüz ki, titul - çempionluq, ölkə kuboku qazanmaq uğrunda mübarizə aparan "Qəbələ" üçün minimal vəzifə tarixində ilk dəfə mükafatçılar sırasına düşmək, avrokuboklara vəsiqə əldə etməkdir. Qış fasiləsində isə “transfer pəncərəsi” açılacağından həm heyəti gücləndirmək, həm də mövsümün əsas hissəsinə yaxşı hazırlaşmaq üçün yaxşı imkan yaranıb. Klubda bu kimi məsələlərə əsas cavabdeh şəxs olan baş menecer Zaur Əzizov “Qəbələ FK”ya müsahibəsində həm komandanın çıxışına qiymət verdi, həm də qarşıdakı planlara aydınlıq gətirdi.
-
“Qəbələ”nin arxada qalan ildə çıxışını, ümumilikdə, necə dəyərləndirərdiniz?
- Komandanın başa çatmaqda olan ildə çıxışını iki
hissəyə bölmək olar. İlin ilk hissəsi ötən mövsümlə bağlıdır ki, orada nəticə
bizi razı salmadı. Çünki komanda qarşısına qoyduğu məqsədə çata bilmədi, yəni
avrokuboklara vəsiqə qazanmadı. İlin ikinci yarısındakı çıxışımız mövsümü major
notda bitirəcəyimizə olan ümidləri artırır. Komandamız hazırda liderlər
qrupunda yer alıb və göstərdiyi oyunla iddiası üst-üstə düşür.
-
“Qəbələ” cari mövsümdə də avrokuboklara vəsiqə qazanmaq iddiasındadır. Bu
baxımdan komandanın potensialı haqqında nə deyə bilərsiniz?
- Hazırda həm mətbuat, həm də futbol ictimaiyyəti “Qəbələ”nin
potensialını yüksək dəyərləndirir. Təbii ki, biz də komandaya inanırıq. Uğura
gedən yolda klubun hər bir üzvü, əməkdaşı vəzifəsindən asılı olmayaraq, üzərinə
düşən öhdəliyi yerinə yetirməyə çalışır. Çünki bilirik ki, yalnız birlik, bərabər
səylərlə bizə olan etimadı doğrulda bilərik.
-
Çoxları Azərbaycanda ən güclü hücum xəttinin “Qəbələ”də olduğunu bildirir...
- Elədir, belə fikirlərlə tez-tez rastlaşmışıq.
Ancaq bizim üçün hansısa mövqeyimizin yox, ümumilikdə, komandanın güclü olması
və nəticə qazanması əsasdır. Komandaya qiyməti hansısa mövqeyə görə yox,
mövsümün sonunda qazanılan nəticəyə görə verirlər. “Qəbələ”nin komanda şəklində
nəticə qazanmaq potensialına şübhəmiz yoxdur.
-
Qış fasiləsində hazırlıq planları ilə bağlı nə deyə bilərsiniz?
- Komandanın qış hazırlığı 3 mərhələdən ibarətdir.
Yanvarın əvvəlində bir araya gələcək komanda ilk iki təlim-məşq toplanışını ölkə
daxilində keçirəcək. Hazırlığın üçüncü mərhələsi isə ölkə xaricində olacaq. Bu,
yanvarın 20-dən fevralın 2-dək olan dövrü əhatə edəcək. Bu dəfə də təlim-məşq
toplanışı üçün Türkiyənin Antalya bölgəsi seçilib. Komanda ötən qış fasiləsində
olduğu kimi, bu dəfə də “Qloriya” otelində qalacaq. Oradakı şərait bizi qane
edir. Təbii ki, hazırlıq planı baş məşqçinin istəyinə uyğun müəyyənləşir.
Hazırlıq plan üzrə keçəcək. Toplanış günlərində əsas məqsəd həm də yoxlama
oyunları keçirmək olacaq. Dörd yoxlama oyunu keçirməyi planlaşdırmışıq. Matçlar
yanvarın 22-i, 25-i, 28-i və fevralın 1-i nəzərdə tutulub.
-
Rəqiblərdən müəyyənləşən varmı?
- Hələ rəqiblərimiz dəqiqləşməyib. Buna yaxın
vaxtlarda tam aydınlıq gələcək. Bəzən yoxlama oyunlarında rəqiblər müxtəlif səbəblərdən
dəyişir. Ancaq indidən onu deyə bilərik ki, Almaniyanın “Kayzerslautern” klubu
ilə yoxlama oyunu keçirəcəyimiz gözlənilir. Bu klubla ilkin razılıq əldə
olunub. Baş məşqçinin istəyinə uyğun olaraq digər rəqibləri də müəyyənləşdiririk.
-
Qış fasiləsində heyətin gücləndirilməsi də gündəmə gəlir. Bu sahədə yeniliklər
nəzərdə tutulub?
- Baş məşqçimizlə bununla bağlı söhbətimiz olub.
Ramiz Məmmədov bu posta təyin olunanda demişdi ki, heyətdən razıdır və yeni
transferlərə lüzum görmür. Buna görə qış fasiləsində heyətdə böyük dəyişikliklər
gözlənilmir. Doğrudur, menecerlər bizə legionerlər təklif edirlər. Ona görə də,
bu məsələləri, hansı mövqelərin güclənməli olduğunu müzakirə edəcəyik. Heyəti
qorumağı nəzərdə tutsaq da, ola bilsin ki, kimlərləsə yollarımızı ayırdıq. Hər
halda, bütün bunlara baş məşqçi qərar verəcək.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |