9 baş hakim çempionatı “yola verir”! Araşdırma
VÜSAL ƏLİYEV 1 TURDA 2 OYUNU İDARƏ EDİB!
Hakimlər Komitəsinin sədri Xaqani Məmmədov hər açıqlamasında hakimliyin səviyyəsinin artdığını deyir. Hakimlər Komitəsinin sədrini qınamaq olmaz. Kim öz ayranına turş deyər ki? Amma faktlar, reallıqlar, statistikalar tam başqa mətləbdən xəbər verir. Çox “dərin”ə getmək lazım deyil. Təkcə bir məqamı qeyd etsək, hakimliyimizin “inkifaş”ının hansı səviyyədə olduğu bəlli olur. Topaz Premyer Liqasında XVII tura qədər 92 matç baş tutub və bu oyunları cəmi 9 hakim idarə edib. Xaqani Məmmədov, budur sizin inkişafınız?
ƏLİYAR AĞAYEV BİRİNCİDİ
Bayaq da qeyd etdiyimiz kimi, 92 oyunu cəmi 9 hakim idarə edib. Bu isə orta hesabla hər hakimə 10-dan artıq oyun düşməsi deməkdir. Bu necə inkişafdır? Deməli, 9 milyonluq Azərbaycan xalqının hər bir milyonundan cəmi 1 hakim çıxır? Onda Lüksemburqda, Andorra, Farer adalarında gərək ümumiyyətlə hakim olmasın ki! Hər dəfə hakimliyin inkişaf etdiyini aləmə car çəkən Xaqani Məmmədovun nəzərinə və diqqətinə çatdırmaq istəyirəm ki, dünyanın heç bir ölkəsində çempionatın oyunlarını cəmi 9 hakim idarə etmir!
Çoxları Xaqani Məmmədovun sevimli hakimi, sağ əli olan Elçin Məmmədovun daha çox oyunlara təyinat aldığını düşünsə də, əslində belə deyil. Düzdür, Elçin heç də az oyun idarə etməyib. Amma sıralamada birinci deyil.
Geridə qalan
16 tur ərzində hamıdan çox Əliyar Ağayev təyinat alıb. Gənc hakim 14 dəfə baş hakim kimi iş başında olub. Elçin Məmmədovla Rəhim Həsənov isə 13 dəfə oyunlarda fit çalıblar. Bura da anlaşılmazlıq var. Necə olar bilər ki, dəfələrlə səhvə yol verən və qərarları İntizam Komitəsi tərəfindən ləğv olunan Rəhim Həsənov illərin təcrübəsi olan Vüsal Əliyev, Fariz Yusifov və FİFA referisi adını daşıyan Anar Salmanovdan çox təyinat alır?
Premyer Liqa oyunlarına təyinat alan baş hakimlərin sıralaması:
Əliyar Ağayev – 14 oyun
Elçin Məmmədov – 13 oyun
Rəhim Həsənov – 13 oyun
Fariz Yusifov – 11 oyun
Vüsal Əliyev – 11 oyun
Anar Salmanov – 11 oyun
Rauf Cabbarov – 8 oyun
Elvin Əsgərov – 7 oyun
Orxan Məmmədov – 4 oyun
KÖMƏKÇİLƏRDƏN ABDULLAYEV LİDERDİ
Geridə qalan
16 tur və 92 qarşılaşmada 18 yan xətt hakimi iş başında olub ki, bu rəqəmin özü də böyük deyil. Yan xətt hakimlərinin sıralamasında lider Munis Abdullayevdi. Abdullayev 13 dəfə iş başında olmaqla 12 görüşə təyinat alan Rza Məmmədov, Mehman Mahmudov və Azər Əsgərovu 1 addım qabaqlayır. Namiq Hüseynov, Yaşar Abbasov, Mübariz Haşımov, İlham Əliyev və Ramiz Əsədov isə 11 oyunda meydana çıxıb. Yan xətt hakimlərinin mübarizəsində “autsayder” Elşən Acalovdu. O həmkarlarından fərqli olaraq cəmi 7 oyunda iş başında olub.
Yan xətt hakimlərinin sıralaması:
Munis Abdullayev – 13 oyun
Rza Məmmədov – 12 oyun
Mehman Mahmudov – 12 oyun
Azər Əsgərov – 12 oyun
Namiq Hüseynov – 11 oyun
Yaşar Abbasov – 11 oyun
Mübariz Haşımov – 11 oyun
İlham Əliyev – 11 oyun
Ramiz Əsədov – 11 oyun
Vaqif Musayev – 10 oyun
Elman Musyave – 10 oyun
Rahil Ramazanov – 10 oyun
Nahid Əliyev – 9 oyun
Knyaz Əmiraslanov – 9 oyun
İsgəndər Əliyev – 9 oyun
Zeynal Zeynalov – 8 oyun
Coşqun Həsənov – 8 oyun
Elşən Acalov – 7 oyun
“DÖRDÜNCÜLƏR”DƏ ÇOXLUQ
Maraqlıdır ki, dördüncü hakim kimi oyunlara təyinat alan referilərin sayı həm əsas, həm də köməkçi hakimlərin sayından çoxdu. Belə ki, 92 matçda 19 referi dördüncü hakim kimi iş başında olub. Bunda isə baş hakimlərin də bəzi hallarda “dördüncü” olmasının rolu var. Özü də 9 baş hakimin hamısı dördüncü referi kimi də təyinat alıb.
Dördüncü hakimlərin qiyabi mübarizəsində Feyzulla Feyzullayev liderdi. O 10 oyuna təyinat alıb. Fərid Məmmədov Feyzulladan cəmi 1 oyun geri qalır. Daha 5 hakim isə 8 görüşdə meydana “dördüncü” kimi çıxıb.
Dördüncü hakimlərin sıralaması:
Feyzulla Feyzullayev – 10 oyun
Fərid Məmmədov – 9 oyun
Elvin Əsgərov – 8 oyun
Orxan Məmmədov – 8 oyun
Tahir Əhmədov – 8 oyun
İnqlab Məmmədov – 8 oyun
Teymur Fərhadov – 8 oyun
Ramiz Məhərrəmov – 7 oyun
Ramil Əhmədov – 6 oyun
Fuad Həsənov – 4 oyun
Anar Salmanov – 3 oyun
Rəhim Həsənov – 2 oyun
Rauf Cabbarov – 2 oyun
Ramil Diniyev – 2 oyun
Fariz Yusifov – 2 oyun
Ömər Paşayev – 2 oyun
Əliyar Ağayev – 1 oyun
Vüsal Əliyev – 1 oyun
Elçin Məmmədov – 1 oyun
VÜSAL ƏLİYEV 1 TURDA 2 OYUN İDARƏ EDİB!
İnanmaq çətin olsa da, bu, həqiqətdir. FİFA referisi Vüsal Əliyev 1 turda 2 oyunda baş hakim olub. İnanmırsınızsa, PFL-in rəsmi saytına daxil olun və təqvimə baxın. VI turda baş tutan “Xəzər Lənkəran” – “Bakı” və “Sumqayıt” – “Neftçi” oyunlarının baş hakimi Vüsal Əliyev olub. “Bu necə ola bilər” sualı üzərində baş sındırmayın. Cavabı sadədir. Bu oyunlar eyni turda olsa da, fərqli tarixlərdə keçirilib. Sumqayıtdakı qarşılaşma sentyabrın 24-də, Lənkərandakı matç isə dekabrın 6-da baş tutub. Ölkəmizdə keçirilən 17 yaşadək qızlar arasında dünya çempionatı ilə bağlı “Xəzər Lənkəran” – “Bakı” oyunu təxirə salınmışdı. Lakin Vüsal Əliyevi Lənkərana göndərməzdən öncə gərək Hakimlər Komitəsi dediyimiz məqama diqqət yetirərdi. Lənkərana Vüsalın əvəzinə 6-cı turda istirahət edən baş hakimlərdən biri göndərilməliydi. Axı bu məqam bizi başqalarının gözündə gülüş hədəfinə çevirir. Tutaq ki, hansısa bir əcnəbi PFL-in saytında bu məqamı görərsə, nə düşünəcək? Ya da ki, illər sonra hansısa statistik bu məqama diqqət yetirsə, xeyli baş sındırmalı olacaq ki, eyni hakim bir turda iki matça necə təyinat ala bilər?
Baş hakimlərin bölgüsü də düzgün aparılmır. Belə ki, ən çox təyinat alan hakim olan Əliyar Ağayev 11 komandanın oyununu idarə edib. Diqqət yetirək, Ağayevin 14 oyunundan beşi “Qarabağ”ın iştirakı ilə baş tutub. Amma o, bir dəfə də olsun “Qəbələ”nin oyununa təyinat almayıb. Kifayət qədər bu cür nümunə göstərmək olar. Elə bu səbəbdən də hansı hakimin hansı komandanın oyuna neçə dəfə təyinat alması, hansı hakimin hansı komandanı “gözümçıxdıya” salması və s. kimi faktları növbəti sayımızda işıqlandıracağıq.
İlqar TAĞIYEV, "Het-trik news" qəzeti
P.S. Oxuculardan xahiş
edirəm başlıqdakı “9 baş hakim” sözlərini pis yerə yozmasınlar.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |