"Qalatasaray" rəsmisi: "Toplanışlardan birində Azərbaycana gəlmək istəyirik"
“Qalatasaray”ın İdarə Heyətinin üzvü Abdurrahim Albayrak bu gün Bakıdakı "Galatasaray Store" mağazasının açılışında iştirak edib. Stadium.az xəbər verir ki, "Cim-Bom"un rəsmi jurnalistlərin suallarını da məmuniyyətlə cavablandırıb. Albayrak ilk növbədə klubun əfsanəvi heyətinin üzvləri olan, hazırda isə məşqçilik edən Ümit Daval ilə Hasan Şaşın Bakıya səfərinin baş tutmamasınımn səbəbləri haqda danışıb: "Qarşıda “Fənərbaxça” ilə derbi var. Həm Fatih hocanın, həm də Ümit Davala ilə Hasan Şaşın sizə çoxlu salamı var. Bizim üçün bu derbi çox önəmlidir. Bu üzdən onlar gələ bilmədi. Məşqçilərimizin bura gələ bilməməsinə görə onlardan küsməyin. Bilirsiz ki, son vaxtlar işlərimiz çoxdur. Braqada oynadıq, sonra Sivasa getdik, ordan gəlib kubok matçına çıxdıq. Bu üzdən onların gələ bilməmələrini anlayışla qəbul etməyinizi istəyirəm".
Klub rəsmisi bazar günü "Fənərbaxça"ya qarşı baş tutacaq derbi oyunundan da danışıb: "Bu derbi tək Türkiyədə yox, bütün Avropada ən çox izlənilən derbilərdəndir. Hər iki komanda Avropada uğurla gedir. İnşallah, yaxşı nəticə qazanarıq. Derbinin centlmen mübarizə şəraitində keçməsini arzulayıram. Ümid edirəm ki, burdakı tərəfdarlar da hər iki komandanın avrokuboklardakı çıxışına çox sevinir. Milyonlarla tamaşaçının qalmaqalsız derbi izləməsini istəyirəm. Braqada qol vurduq, sevindim, oynadım. Amma Portuqaliyada heç kim buna görə mənə güldən ağır söz demədi. Türkiyədə də belə şeyləri artıq normal qəbul etməyin zamanıdır. “Türk Telekom Arena”da “Mançester Yunayted”lə qarşılaşdığımız zaman ingilis azarkeşlər bizim aramıza gəldi. Oturduq, çay içdik, eləcə də onları xoş şəkildə yola saldıq".
Albayrak "Qalatasaray"ın gələcəkdə ölkəmizə gəlmək perspektivinə də toxunub: "Bura gəlməyi çox istəyirik. Azərbaycanı öz qanımız, öz canımız kimi sevirik. Biz bura mütləq gələcəyik. İnşallah, toplanışlardan birində Azərbaycana gəlmək istəyirik. Həm burda hazırlıq matçı təşkil edərik, həm də dərdləşərik".
Burak Yılmazın komandadan mümkün gedişi haqda sualı isə klub rəsmisi belə cavablandırıb: "Burak çox önəmli bir futbolçumuzdur. Belə olmasaydı, onun transferi üçün bu qədər əziyyət çəkməzdik. O, “Spartak”ın düşərgəsində idi və müqavilə bağlamağa hazırlaşırdı. Ancaq biz onu ordan gətirə bildik. Bu da klub rəhbərliyinin gördüyü düzgün transfer işinin nəticəsidir".
A.Albayrak "Cim-Bom"un məhsullarını ölkəmizdəkio satışı haqda da danışıb: "Qalatasaray”ın məhsuluna maraq az ola bilməz. Bir neçə il öncə Dubayda olanda məndən soruşdular ki, haralısan? Dedim ki, Türkiyədənəm. O dəqiqə mənə dedilər: Türkiyə, “Qalatasaray”, Burak, Hasan Şaş. Yəni Türkiyə deyiləndə bizim klub ilk növbədə yada düşür. Dünyanın harasına gedirsizsə, gedin. Xüsusən də müsəlman ölkələrində 100 insandan birinin ağlına birinci “Qalatasaray” gəlir. İndi klubun mağazası artıq Bakıdadır. Baxın, özünüz görəcəksiz, birazdan burda almağa mal tapılmayacaq".
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |