"Özümü Georgi Popxadze, Əziz Quliyev və Cəmşid Məhərrəmovdan zəif saymıram"
"Bakı" futbol klubunun gənc üzvü Elşad Manafov "Toplu Bakı"ya müsahibə verib. Stadium.az həmin müsahibəni təqdim edir:
“Bakı”nın gənc, çevik, ucaboy, soyuqqanlı və perspektivli sol cinah müdafiəçi Elşad Manafovu böyük kütləyə ötən il Azərbaycan kubokunun final oyununda sərgilədiyi parlaq oyunu tanıtdı. 20 yaşlı müdafiəçi məsuliyyətli oyunda adlı-sanlı rəqib, “Neftçi”yə qarşı elə oynadı ki, sankı Azərbaycan çempionatında illərdir ki, top qovur. Soyuqqanlılığı ilə diqqət çəkən Elşadın hücumların qarşısında sərt müdaxiləsi, diqqətli oyunu ona azarkeşlərin də etibarını artırıb. Futbolçu ulduzunun parlayacağı günü səbirsizliklə gözləyir. Əsas heyətdə 90 dəqiqə daim oynamaq isə əvəzedcilərin keçmiş kapitanının ən böyük arzusudur:
Futbola gəlişini necə xatırlayırsan?
Futbola “İnam” adlı klubda başlamışam. 15 yaşımda isə tanışlarımızın köməkliyi ilə Bakının “Azəri” klubuna qəbul edildim. Məşqləri Tofiq Bəhramov adına Respublika stadionunun arxasındakı sintetik meydançada keçirdik. Burada Həmzə müəllimin rəhbərliyi altında məşqlərə başlamışam. Bir neçə aydan sonra bu klubdan maaş almağa başladım. "Azəri" ilə bir çox xarici ölkələrdə turnirlərdə iştirak etdik. “Azəri”də təcrübəmi artırdım. Bir il bu klubda oynayandan sonra, “Bakı”ya keçdim.
“Bakı”ya keçidin necə baş tutdu?
“Bakı” haqqında həmyaşıdlarım tez-tez bəhs edirdi. Mən də, daha böyük klubda çıxış etmək istəyirdim. Ona görə də, “Bakı”ya baxışa getdim. Müvafiq yaş qrupuna həmin vaxt Məqsəd Yaqubəliyev baxırdı. İlk məşqdəcə məni bəyəndi və komandaya götürdüyünü bildirdi. Onun rəhbərliyi ilə “Bakı”nın 17 yaşlılardan ibarət komandasında bir il çıxış etdim. Sonra əvəzedici heyətə cəlb olundum. İlk turlarda meydana çıxmasam da, sonradan məşqçinin məni müdafiənin mərkəzindən sol cinaha çəkməsi işimə yaradı. Bu mövqedə uğurlu çıxışdan sonra əsas heyətə düşdüm. Həmin vaxt mərkəzdə U-19 millimizin kapitanı Pərviz çıxış edirdi. Onun oyunumu tapmaqda mənə çox köməyi dəydi. Sonralar o uşaq itib-batdı.
Əsas heyətdə debütün “Neftçi” ilə premyer liqanın sonuncu turuna təsadüf etdi. 90 dəqiqə meydanda oldun.
Özümü “Bakı”nın yetirməsi hesab edirəm. Bilirsiniz, üç-dörd il öncə əvəzedicilərdə çıxış edən istedadlı uşaqlar 18-19 yaşına çatan kimi futbolu atırdı. Çünki klubların əsas heyətlərində onlara qapı bağlı idi. Sevindirici haldır ki, indi vəziyyət düzəlir. Gənclərə önəm artır. Xüsusən də “Bakı”nın əsas heyətində çoxlu gənclər var. O biri uşaqlar da bundan ruhlanaraq daha həvəslə futbol oynayır. Hamı şans istəyir. Sevinirəm ki, əvəzedicilərdəki məşqçim Qəhrəman Əliyev adımı əsas komandaya namizəd verdi. Onun köməkliyi ilə məşqlərdə iştirak etdim. Nəticədə əsas heyətin üzvüyəm.
Əsas heyət yolunda "Lokomotiv" təcrübəsi də lazım idi...
6 ay Biləcəri klubunun heyətində I divizionda oynadım. Ibrahim Uzunca əla məşqçidir. Oyunumu tapmaqda onun da rolu var. Səmimi deyim ki, divizion klubları əvəzedici heyətlərin əksərindən güclüdür. Burada yaş məhdudiyyəti yoxdur. Bu da futbolçunun inkişafına müsbət təsirini göstərir. Mübarizənin daha amansız, rəqiblərin təcrübəli olmasının mənə böyük təsiri oldu.
Kubokun finalındakı oyununla futbol ictimaiyyətinin diqqətini çəkə bildin. Bu mövsüm nədənsə, əsas heyətə düşməkdə çətinlik çəkirsən.
Final oyununda meydana çıxacağımı gözləmirdim. Oyuna bir neçə saat qalmış baş məşqçi Novruz Əzimov mənə hazırlaşmağımı tapşırdı. Əlbəttə, bunu biləndə ilk öncə, özümü itirdim. Lakin komandada böyük qardaşlarım - Cəmşid Məhərrəmov, Elvin Əliyev mənə psixoloji cəhətdən çox kömək etdilər. Həyəcanımı boğmaqla həmin oyunda çıxış etdim. Bir oyunla özümə uğurlu deyə bilmərəm. Bunu zaman göstərəcək.
Səninlə müdafiənin sol cinahında güclü futbolçular var. Onlarla rəqabətdən çəkinmirsən ki?
Qarşıma futbolçu olmaq məqsədi qoymuşam. Bunun çətin olacağını yaxşı anlayıram. Georgi Popxadze, Əziz Quliyev, Cəmşid Məhərrəmov kimi təcrübəli futbolçuları qabaqlayıb əsas heyətdə oynamaq asan deyil. Özümü onların heç birindən zəif saymıram. Baş məşqçimiz Bojidar Bandoviç şans versə, özümü östərəcəyəm.
“Bakı” elə bir klubdur, burada əsas heyətə düşmək üçün kəskin rəqabət aparmalısan. Bu yeri qazanmaq üçün məşqlərdə səylə çalışıram. Əsas məqsədim hər oyun 90 dəqiqə meydanda olmaqdır.
16 yaşında ikən 17 yaşadək milliyə dəvət edilirdin. Bəs U-19-da çıxışına nə mane oldu?
Mirbağır İsayev məni U-17- yə dəvət etdi. Bir neçə təlim-məşq toplanışlarına qatıldım. Bir neçə rəsmi oyunda meydana çıxdım. Rumıniya millisinə qarşı oyun yadımda qalıb. Sonra müəyyən səbəblərdən U-19-a çağrılmadım. Mən bunun günahını özümdə axtarıram. Yəqin ki, məşqçiləri hansısa keyfiyyətlərim razı salmır. Bundan sonra U-21 və əsas komandaya düşmək üçün çalışmalıyam.
Müsahibəmizin sonu yetişdi. Ürəyində qalan hansı sözləri demək istərdin?
"Bakı" futbol klubunun rəhbərliyinə mənə ayırdığı diqqət üçün təşəkkür edirəm. Klubumuzun bütün üzvlərinə uğurlar arzulayıram.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |