Çimərlik futbolu üzrə Bakı birinciliyinə qatılan “Bakı”
klubu yüksək mükafata sahib çıxıb. Stadium.az klubun rəsmi internet saytına
istinadən xəbər verir ki, 5- 28 iyul tarixləri ərzində davam edən turnirdə 13
komanda iki qrupda mübarizə aparıb. İlk turdan inamla mübarizə aparan və final
oyununda Buzovnanın “Xəzri” komandasına qalib gələn “Bakı” 2008-ci ildən etibarən
keçirilən ənənəvi kubokun sahibi olub. Turnirin sonunda 4 nominasiya üzrə fərqlənən
idmançılar mükafatlandırılıb. Ən yaxşı baş məşqçi mükafatı “Bakı”nın baş məşqçisi
İlqar Allahverdiyevə təqdim edilib. “Bakı” futbol klubunun baş meneceri Zeynal
Məmmədov çempion titulu qazanan komandanın üzvlərini ilə görüşüb. Futbolçuları
təbrik edən baş menecer onlara gələcək yarışlarda uğurlar arzulayıb. Zeynal Məmmədov
“Bakı” futbol klubunun bütün komandalarımız kimi çimərlik futbolu komandasına
da hərtərəfli dəstək veriləcəyini, onların daha yükdək səviyyəyə yüksəlməsi
üçün tələb olunan şəraitin yaradılacağını bildirib.