Bernhard Raab: “Sumqayıt” ötən mövsümə baxanda daha güclüdür”

26.07.2012 | 5002 dəfə oxunub


Hazırda Türkiyənin Nevşehir bölgəsində təlim-məşq toplanışında olan "Sumqayıt" Futbol Klubunun baş məşqçisi Bernhard Raab hazırlıq prosesi və gələcək planlar haqqında klubun rəsmi saytına müsahibə verib.

 

- Hazırlıq prosesindən razısınızmı?

- Təlim-məşq toplanışının ümumi planı hazır olduqdan sonra komanda iyulun ikisində bir araya toplaşdı. Mehdi Hüseynzadə adına Sumqayıt şəhər stadionunda məşqlərə başladıq. Həm fiziki, həm də taktiki çalışmalar üzərində işlədik. Sağ olsun klubun rəhbərliyi komanda üçün Türkiyədə təlim-məşq toplanışını təşkil etdi. Uşaqların oradakı atmosferdən çıxması lazım idi. Üstəlik komandanın formalaşması baxımından da bu hazırlıq mərhələsi bizim üçün vacib idi. Türkiyədə bir yoxlama oyunu keçirdik, daha iki görüşümüz olacaq. Gənc komanda üçün güclü rəqiblərlə yoxlama oyunu keçirmək olduqca önəmlidir.

- "Kayseri Ərciyəsspor"la baş tutan yoxlama oyunu haqqında nə deyə bilərsiniz?

- Olduqca sərt qarşılaşma oldu. Hər iki komanda meydana qələbə üçün çıxmışdı. İlk on beş dəqiqədən sonra komandam meydanda daha inamlı təsir bağışladı. İlk qolu qapımızda görsək də, uşaqlar oyununu itirmədi və fasiləyə qədər bərabərliyi əldə edə bildik. Komanda "Kayseri Ərciyəsspor"la görüşdə verilən tapşırıqları meydanda həyata keçirə bildi. Qarşılaşma heç-heçə yekunlaşsa da, "Sumqayıt" rəqibinə nisbətən daha yaxşı oyun sərgilədi.

- "Sumqayıt"ın bundan sonrakı planları necə olacaq?

- Bu gün axşam növbəti yoxlama oyunumuzu keçirəcəyik. İki gündən sonra isə "1461 Trabzon" klubu ilə daha bir sınaq oyununa çıxacağıq. Olduqca intensiv proqram üzərində çalışırıq. Çempionatın startına qədər daha çox taktika üzərində çalışacağıq. Düşünürəm ki, AZAL-la oyuna qədər komanda hazır vəziyyətə gələcək.

- Premyer Liqanın startına az vaxt qalıb. Komandada hansı çatışmamazlıqlar var?

- Bəzi mövqelərdə yer alan futbolçular arasında anlaşma problemi var. Tez bir zamanda bunu aradan qaldıracağımıza inanırıq. Müdafiə xəttində boşluqlarımız olduğu üçün bu sahədə daha çox işləyirik. Bir cümlə ilə qeyd edim ki, komanda ötən mövsümə baxanda daha güclüdür.

- Fərid Quliyevin komandadan ayrılması barəsində nə deyə bilərsiniz?

- 14 gün Fərid Quliyevlə birlikdə işlədik. Onun yaxşı və pis cəhətlərini açıqlamaq istəmirəm. Sadəcə olaraq, futbolçu ilə anlaşa bilmədik. Üstəlik, Fəridin oyun sistemi komandama uyğun gəlmədi. Məşqçilər korpusu ilə oturub bu məsələni müzakirə etdikdən sonra qərar verdim. Fəridə gələcək karyerasında uğurlar arzulayıram.

- Artıq Premyer Liqanın püşkü atılıb. Təqvimi "Sumqayıt" Futbol Klubu üçün qənaətbəxş saymaq olarmı?

- Təqvim ötən ilkinə bənzəyir. Bizim üçün çox çətin olacaq. Yalnız ilk oyunumuzu doğma azarkeşlər qarşısında oynaycağımız üçün özümüzü şanslı saya bilərik. Çətin Tovuz səfərindən sonra isə ardıcıl rəqiblərlə görüşlər. Komanda olaraq təqvimi bəhanə etməməliyik, nəticə qazanmağa borcluyuq.

- Azərbaycan klublarının avrokuboklardakı şanslarını necə dəyərləndirirsiz?

- Deyə bilərəm ki, "Neftçi" "Zestafoni" ilə hər iki qarşılaşmada olduqca inamlı təsir bağışladı və layiq olduğu mərhələni keçdi. Mənim fikrimcə paytaxt klubu bu il çox güclənib. Lakin "Hapoel" səddini aşmaq "Neftçi" üçün çətin olacaq. "İnter"in "Asteras"la "Dalğa Arena"da baş tutan oyununu stadiondan izlədim. Bu komandanın oturmuş heyəti var. "İnter" stabil oyunu sayəsində növbəti mərhələyə vəsiqə qazana bilər. "Xəzər Lənkəran"ı isə Polşada olduqca çətin oyun gözləyir. Hər üç kluba qarşıdakı oyunlarda uğurlar arzulayıram.




Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail