"Qəbələ" tarixinin ən yaxşı nəticəsi

14.05.2012 | 3959 dəfə oxunub

Futbol üzrə Azərbaycan Premyer Liqasının 32-ci turunda “Neftçi”nin qonağı olan “Qəbələ” rəqib meydanında qələbə qazandı. Stadium.az xəbər verir ki, 1:0 hesablı qələbə ilə səfər sindromunu qıran komanda üçün qarşılaşma başqa məqamlarla da yadda qalıb. Belə ki, mövsümün son matçı bəzi rekordlar, yubileylər və ilklərlə diqqət çəkib.
 
- “Qəbələ” Fatih Kavlakın rəhbərliyi altında Premyer Liqada 20-ci oyununu keçirdi. Bu matçlarda 11 qələbə, 4 heç-heçə və 5 məğlubiyyəti olan komanda 31 qol vurub 16-nı buraxıb.
 
- “Qəbələ” Fatih Kavlakın rəhbərliyi altında Premyer Liqada 10-cu səfər oyununu keçirdi. Bu matçlarda 4 qələbə, 2 heç-heçə və 4 məğlubiyyəti olan komanda 14 qol vurub 11-ni buraxıb.
 
- “Qəbələ” 2006/07 mövsümündə debüt etdiyi Premyer Liqada 65-ci qələbəsini qazandı. Komanda buna 172-ci matçında nail olub.
 
- “Qəbələ” Premyer Liqada 25-ci səfər qələbəsini qazanıb. Bu, 86-cı matçda gerçəkləşib.
 
- “Qəbələ” 69 günlük həsrətə son qoyub səfərdə qələbə qazandı. Komanda sonuncu dəfə təsnifat mərhələsinin martın 3-də baş tutan oyununda “Rəvan”la rəqib meydanındakı görüşdə qalib gəlmişdi – 4:0. Sonrakı 5 səfər matçında “Qəbələ” 2 heç-heçə və 3 məğlubiyyətlə barışmışdı.
 
- “Qəbələ”nin futbolçusu Seymur Əsədov karyerasında ilk dəfə klubun heyətində rəsmi matça çıxdı. Oyunun 68-ci dəqiqəsində meydana daxil olan Seymur komandanın tarixinə 132-ci futbolçu kimi düşüb.
 
- “Qəbələ” tarixində rəsmi matçlarda oynamış 132 oyunçudan 15-i Premyer Liqada oynamayıb. Bununla da Əsədov Premyer Liqada 117-ci oyunçu oldu.
 
- Stiv Olfers Premyer Liqada “Qəbələ” formasında 50-ci oyuna çıxıb. O, buna nail olan 10-cu futbolçudur: Pavel Doroşev – 90, Abdulkader Kamara – 88, Lyubo Baranin – 82, Samir Zərgərov – 69, Qoqa Beraya – 60, Vurğun Hüseynov – 58, Milan Antiç – 54, Azər Həşimov – 53, Kristian Torres – 52, Stiv Olfers – 50. 
 
-  “Qəbələ”də qol hesabını açan Amil Yunanov klub tarixində qol vuran 69-cu, Premyer Liqada komanda üçün qol vuran 50-ci futbolçu olub.
 
- Yunanov 18 yaş 9 ay 1 günlüyündə qol sevinci yaşamaqla “Qəbələ”də fərqlənən ən gənc futbolçulardan biri olub. Bu göstəricidə mütləq rekord isə Elnur Allahverdiyevə məxsusdur. Azərbaycan milli komandasının və “Xəzər Lənkəran” klubunun üzvünün həm adaş, həm də həmsoyadı olan futbolçu 7 il əvvəl rekord vurub. O, klub “Göy-Göl” adlandığı vaxt keçirdiyi ilk qarşılaşmada fərqlənib. 2005-ci il sentyabrın 21-də birinci dəstənin ilk turunun “Şərur”la oyununda meydana çıxan debütant 17 yaş 7 günlüyündə qol da vurub. Lakin Elnur aşağı dəstədə fərqləndiyindən Amil Premyer Liqada qol vuran ən gənc “Qəbələ”li futbolçu olub.
 
- 2011-2012 mövsümündə  baş tutan 4 “Qəbələ” – “Neftçi” duelinin 3-də ardıcıl qalib gələn qırmızı-qaraların mövsüm boyunca ən çox xal qazandıqları komanda da məhz çempion “Neftçi” oldu – 9 xal. 
 
- Bu qələbə sayəsində komanda Premyer Liqanı 5-ci pillədə bitirməklə tarixinin ən yaxşı nəticəsini göstərib. 2007/08 və 2009/10 mövsümlərində çempionatda 6-cı yeri tutan “Qəbələ” həmin rekordunu 1 pillə yeniləyib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail