"Qarabağ" İtaliya, Fransa və İngiltərənin məhşur klublarını geridə qoydu
02.04.2012 | 14262 dəfə oxunub
Beynəlxalq Futbol Tarixi və Statistikaları Federasiyası (İFFHS) klubların növbəti reytinqini açıqlayıb. Stadium.az xəbər verir ki, son 1 ili əhatə edən cədvəldə planetin 402 komandası yer alıb. Azərbaycanın ən yaxşılar arasında yeganə təmsilçisi isə yenə “Qarabağ”dır.
Ağdamlılar son 1 ayda möhtəşəm sıçrayışa nail olaraq, 37 pillə irəliləyiblər. Belə ki, cəmi 1 ay əvvəl 69,5 xalla 316-cı pillədə qərarlaşan Qurban Qurbanovun yetirmələri hazırda 73,5 xalla 279-cu yerdədirlər. Təmsilçimizin son 1 ayda arxada qoyduğu klublar sırasında “Verder”, “Hoffenhaym” (hər ikisi Almaniya), “Karpatı” (Ukrayna), “Birmingem”, “Vest Bromviç” (hər ikisi İngiltərə), “Parma”, “Fiorentina” (hər ikisi İtaliya), “Loryan” (Fransa), “Vesterlo” (Belçika) kimi komandalar da var.
Reytinqə dünyanın ən güclü komandası olan İspaniyanın “Barselona” klubu 382 xalla başçılıq edir. Onun əzəli rəqibi olan Madrid “Real”ı 306 xalla 2-cidir. İlk “üçlüy”ü Argentinanın “Veles Sarsfild” klubu 287 xalla qapayır.