Türkiyənin “Beşiktaş” klubu növbəti transferini rəsmiləşdirib. Stadium.az xəbər verir ki, bu yay qardaş ölkədə transfer dönəminin ən fəal klublarından olan İstanbul təmsilçisi Bank Asya birinci Liqa klublarından “Tavşanlı Linyitspor”da forma geyən Mehmet Akyüzü sıralarına qatdığını rəsmən bəyan edib.
Qeyd edək ki, bu futbolçunu “Qalatasaray” da istəyirmiş. Lakin daha fəal olan “qara qartal” cəld tərpənərək sözügedən oyunçunun işini bitirib. İstanbul klubu bu oyunçuya görə 900.000 TL məbləğində xərcə düşdüyü bildirilir.
25 yaşlı hücumçu ilə 4 illik müqavilə imzalanıb. Qeyd edək ki, “Beşiktaş” bundan öncə daha 6 futbolçunun transferini bitirmişdi: Veli Kavlak, Burak Kaplan, Tanju Kayhan, Egemen Korkmaz, Mustafa Pektemek, Sidney.