"Qarabağ"ın "Qızıl dubl"a gedən yolu - Yazı

08.05.2017 | 23628 dəfə oxunub

Azərbaycan futbolunda 2016/2017 mövsümü Naxçıvan finalı ilə başa çatdı. Bu mövsüm çətin ki, yaddaşlardan silinə. 8 komandalı çempionatda rəqabət yox səviyyəsində olsa da, "Qarabağ" və "Qəbələ" arasında olan rəqabət, bəlkə də ümumilikdə Premyer Liqada olan rəqabətsizliyi unutdurmuş oldu.

Mövsümün əvvəlindən bu iki komandanın çempionluğa əsas namizəd olduğu şəksiz-şübhəsiz məlum idi. Amma mövsümün gedişi, öncədən olan gözləntilərimizi belə kölgədə qoydu. Əsas rəqibindən nə heyət baxımından, nə də göstərdiyi oyun baxımından heç də geridə qalmayan "Qəbələ", zaman-zaman onu sevənlərin dilinə "bizik bu il çempion" əminliyini belə salmışdı. 6 xal öndə olanda, az qala klub ətrafında olan hər kəs özünü çempion kimi görürdü. Hətta o zamandan komandanın çempionluq yolunda təcrübəsiz olduğu gün kimi ortada idi. "AZAL"-a, "Sumqayıt"a bağışlanan xallar belə "Qəbələ"ni ayıltmırdı.

Başlar qarışmışdı hakimlərə. O hakimlərə ki, dünyanın hər yerində onların etdiyi səhvlərdən danışılır. Amma hər kəs də bilir ki, bu danışıqlar faydasız vaxt itkisindən başqa bir şey deyil. "Qəbələ"də bunu gördü, amma çox gec. Hakim söhbətləri ilə futbolçuların da beyni doldurulmuşdu. İş o yerə çatmışdı ki, komanda üzvləri buraxdığı hər qoldan sonra baxışlarını, hislərini hakimlərə yükləyirdilər. Bəs Qriqorçuk hara baxırdı? Təbii ki, yaşananlar onun üçün də göydəndüşmə idi. Məhz bu gün üçün. Titulsuz qaldığı mövsümün sonunda günahkar çıxmamaq üçün. Amma etməli olduğu şey, komandanı bu mənfi abu-havadan çıxarmaq idi ki, o da bunu bacarmadı. Hətta onlara qoşuldu.

Heç Final oyununa belə komandanı normal kökləyə bilmədi. Sanki "Qəbələ" final oyununa yox, hansısa yoldaşlıq görüşünə və ya lazımsız çempionat oyununa çıxmışdı. Sonu da ortada. "Özü yıxılan ağlamaz" deyiblər. Naxçıvandan qayıdarkən komanda üzvlərinin üzgün baxışlarını nə azarkeşlər haqq edirdi, nə də titul üçün kluba və ən əsası Roman Qriqorçuka nə lazımdısa verən klub rəhbərliyi. 

"Qarabağ" isə tam əks qrafik cızmışdı. 6 xal geridən olanda şikayətlənmədiyi kimi, öndə olanda da çempionluq havası çalmadı. Hər zamankı kimi mövsümün bütün məqamlarında nə öz səbrini pozdu, nə də öz inamını. Öncəki illərdən yığdığı titul təcrübəsini isə necə lazımdısa, elə də işə saldı. Bu proseslər o qədər incəliklə oldu ki, çempionluq özü onun dilini bilən "Qarabağ"ın yanına gəldi. Bir neçə tur əvvəl qazanılan çempionluğa rəğmən, Qurban Qurbanov son oyuna kimi komandanı qələbəyə köklədi. Qələbə ruhundan bir an belə ayırmadı. Lazımsız "Sumqayıt" qələbəsində belə, komanda əsas heyətlə meydanda idi.( finalda oynayacaq 11-lik) . Bunlar boşuna deyildi. Ölkənin ən güclü məşqçisi son turda əsas heyəti oynatmaqla finala hazırlığın ən böyük hissəsini tamamlamış oldu. Yalnız Ndlovudan istifadə edə bilmədi ki, o da ondan asılı səbəb deyildi. Cənab Qriqorçuk isə son turda bütün heyəti "yatmağa" göndərməklə, Naxçıvan şəhər stadionunda gəzən "ölülər"in gorunu qazmışdı. "Ora gedən özünə yoldaş axtarır" boşuna deməyiblər ki...

Final görüşüdə çempionat yürüşündən heç də fərqlənmədi. İsti günəş şüasına, kələ-kötür qazona və sönük final abu-havasına özünü daha tez kökləyən "Qarabağ" sonda layiq olduğu "Qızıl dubl"a qovuşdu. Bu yolda ən böyük yoldaş Vəhdət oldu. "Qarabağ" adlı vəhdət. O vəhdət ki, onun altında çox şey cəmlənirdi. Edilən dua, göstərilən səbr, çətin məqamda işə düşən təcrübə və ən əsası komandanı uzaq Naxçıvanda belə yalnız qoymayan azarkeşlər!

XANOĞLAN İMANOV



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

28.11.2022

27.11.2022

22:00  Xorvatiya - Kanada - 4:1 VİDEO

01:03  Argentina - Meksika - 2:0 VİDEO

26.11.2022

22:10  Fransa - Danimarka - 2:1 VİDEO

16:12  Tunis - Avstraliya - 0:1 VİDEO

25.11.2022

22:07  Niderland - Ekvador - 1:1 VİDEO

19:10  Qətər - Seneqal - 1:3 VİDEO

16:09  Uels - İran - 0:2 VİDEO

02:54  Braziliya - Serbiya - 2:0 VİDEO

24.11.2022

01:04  Almaniya - Yaponiya - 1:2 VİDEO

00:58  Belçika - Kanada - 1:0 VİDEO

23.11.2022

30.04.2022

03:14  "Zirə"nin tarixi oyunu VİDEO

29.04.2022

28.04.2022

11:41  Günün oyunlarına necə baxaq? - TV AFİŞA

27.04.2022

11:24  Günün oyunlarına necə baxaq? - TV AFİŞA

22.04.2022

20.04.2022

04:38  "İnter" - "Milan" - 3:0 VİDEO

19.04.2022

18.04.2022

03:39  PSJ - "Marsel" - 2:1 VİDEO

03:32  "Sevilya" - "Real" - 2:3 VİDEO

17.04.2022

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail