Futbolumuzun QaQası YAZI
“Qarabağ”ın “Pyast”la oyununa gedə bilməmişdim. Qəmbərqulu kişi imkan verməmişdi. Düzü, çox şey itirdiyimin fərqinə oyundan sonra vardım. “Gefle” ilə oyunda isə stadionda idim. Həmin gün futbol adına hər şeyin şahidi oldum. Gözəl oyun, ağıllı taktika, möhtəşəm azarkeş dəstəyi. Doğrudan da hamı “Qarabağ”lı idi. Oyun haqqında uzun-uzadı yazmaq fikrim yoxdu. Bunu inad göstərdiyini görüb buraxdım həmkarım Ceyhun Əliyevin ixtiyarına. Bu yazıda iki məqama toxunacam. Birincisi, oyundan əvvəl nədənsə ürəyimə dammışdı ki, “Qarabağ” 17-ci dəqiqədə qol vuracaq. Niyə məhz 17-ci dəqiqə. Həmin vaxt iftar başlayırdı. Oruc tutanlar da, tutmayanlar da “Qarabağ”dan iftar “süfrəsi” gözləyirdi. Elə yanımdakı həmkarlarım özləri ilə gətirdikləri kotlet-çörəyi dişlərinə çəkmək istəyirdilər ki... Gelaşvili hər şeyi korladı. Bico kosu boş qapıdan (oxu - kotleti boşqabdan) kənara göndərdi. İkincisi isə cümə axşamından bəri beynimdə dolanan bir söz haqqında qısaca yazmaq istəyirəm – “Futbolumuzun qaqası”.
Azərbaycanda bir xeyli maraqlı müraciət formaları var. Məsələn, gəncəlilərdə “lələ”, bakılılarda “qədeş” (“qaqaş”), Tovuz-Qazax gölgəsində “qağa”, ağdamlılarda “qaqa” və s. Sadaladıqlarımın hamısının kökündə “qardaş” sözü durur. (“Lələ” və “qağa” böyük qardaş deməkdi – red.). Özüm əslən tovuzlu olsam da, nədənsə “qaqa” sözü daha çox ürəyimə yatır və bu müraciət formasından tez-tez istifadə edirəm. Qurban Qurbanovla şəxsi tanışlığım yoxdu. Əslində 20 il əvvəl bir klubun üzvü olmuşuq . Rəhmətlik “Turan”ı deyirəm. Çətin ki, indi 16 yaşlı uşaq yadında qalsın. Bircə dəfə də telefonla açıqlama götürmüşəm. Oğlu Musanın “lipa” olması haqqında yayılan şayiələrə aydınlıq gətirmək üçün. Hə, bir dəfə də keçən mövsümün sonunda komandalıran mükafatlandırılması mərasimində 1-2 dəqiqəlik söhbətimiz olub. Vəssalam. Əlqərəz, tanıyanlar bilirlər ki, heç vaxt özümdən yaşca böyük olan kiminsə üzünə tərif yağdırmamışam. Birdən fikirləşərlər ki, onlara xoş gəlmək üçün bunu edirəm. Qurban müəllimi də tərifləməyəcəm. Buna heç ehtiyacı da yoxdu. Amma ürəyimdən keçən bircə kəlməni deməmək olmur – futbolumuzun QaQası. Özü də şirin Ağdam ləhcəsində.
İlqar TAĞIYEV, “Het-trik news”
P.S. Oyun günü həmkarım, gənc nəslin “əmi” deyə müraciət etdiyi Natiq Muxtarlının ad günü idi. Lələmiz 45 yaşını qeyd edirdi. Feysbuk-da Natiqi təbrik edən ağdamlıların mətbuat xidmətinin rəhbəri Nurlan İbrahimov “Qarabağ”ın qələbəsinin onun üçün əsl ad günü hədiyyəsi olduğunu yazmışdı. Fevralın 1-də mən də “Qarabağ”dan hədiyyə istəyirəm.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |