Olimpiya stadionundan neçə milyon dollar ciblərə girəcək? YAZI
Bakıda tikiləcək (daha dəqiq desək, əsası qoyulan) Olimpiya stadionunun son vəziyyətini görmək üçün çoxları səbirsizlənir. AFFA rəhbərliyinin ağızdolusu danışdığı bu stadionun hansı vəziyyətdə futbolsevərlərə təqdim olunacağı maraqla gözlənilir. Stadionun hansı qiymətə AFFA-ya başa gələcəyi də maraq doğurur. Bu arada isə federasiya prezidenti Rövnəq Abdullayev stadionun onlara neçəyə “oturduğu”nu açıqladı. Dedi ki, stadion üçün 640 milyon manat xərcə düşəcəklər və bu məbləğ arta da bilər. Baca rəqəm deyil, hə?!
Abdullayevdən sonra isə söz baş katib Elxan Məmmədova çatdı. Gəlin onun dediklərinə diqqət edək: “Tikiləcək yeni Olimpiya stadionunu digərləri ilə müqayisə etmək olmaz. Olimpiya stadionuna sərf olunacaq 640 milyon manat o qədər də böyük məbləğ deyil. Adından da bəlli olduğu kimi Olimpiya stadionu çox funksiyalı olmalıdır. Biz bu stadionda I Avropa Olimpiya Oyunlarını, müxtəlif beynəlxalq futbol turnirlərini keçirməyi planlaşdırırıq. Bilirsiz, ümumilikdə götürsək, 10-15 il bundan qabaqkı standartlarla indiki standartlar arasında çox böyük fərqlər var. 15 il bundan qabaq UEFA standartına cavab verə biləcək orta hesabla 50.000 azarkeş tutan stadionu 150-200 milyon avroya başa gətirmək olardı. Ancaq indi çox şey dəyişib və yeni standartlar meydana gəlib. Hazırda stadionda ekoloji mühiti tam uyğun formaya gətirmək üçün çalışmalar gedir. Bundan əlavə, bildiyiniz kimi stadionun 80%-i qapalı olacaq. Yağışlı, qarlı havalarda belə azarkeşlər rahatlıqla izlədikləri oyunlardan zövq alacaqlar. 2011-ci ildə İstanbulda “Türk Telekom Arena” stadionu istifadəyə verildi. Doğrudur, həmin stadion ümumilikdə 160 milyon avroya başa gəlib. Ancaq həmin Arena yalnız futbol oyunu üçün nəzərdə tutulub orada heç bir Olimpiya oyunları keçirilməyəcək. Daha sonra “Nou Kamp” stadionunu misal göstərə bilərəm ki, həmin stadion 1950- ci illərdə istifadəyə verilib və bir neçə dəfə azarkeş tutumu çoxaldılıb, konstruktiv dəyişikliklər olub. Bizim stadionumuz isə istifadəyə veriləndən sonra ən azı 15-20 il müddətində heç bir dəyişiklik olmayacaq. Bundan əlavə bir sıra stadionların özünə xas simvolik xüsusiyyətləri olur. Mən misal üçün İngiltərənin “Uembli” stadionunu göstərə bilərm. Stadionun üzərində olan arka onun tanınmasına səbəb olur. Bizim Olimpiya stadionumuzda da milli ornamentlerimizi özündə əks etdirən xüsusiyyətləri olacaq”.
Məmmədov
çox müasir açıqlamalar verib. Onlardan bəzilərinə toxunmamaq çətin
məsələdir. Məmmədov deyir ki, 10-15 il bundan qabaqkı standartlarla
indiki standartlar arasında çox böyük fərqlər var və 15 il bundan qabaq UEFA
standartına cavab verə biləcək orta hesabla 50.000 azarkeş tutan stadionu
150-200 milyon avroya başa gətirmək olardı ki, indi bu rəqəmlər çox dəyişib. A
kişi, bir danışdığın barədə heç olmaya sonradan düşünmüsən? 50 minlik stadion
200 milyon avroya tikilirsə, bizimli lap olsun 100 min tutumu olan və qiyməti
də 400 milyon avro. Bizdə tutumun daha az, üstəgəl sizin dediyiniz ki,
standardların da yeniləndiyini də nəzərə alsaq, lap 100 milyon avro da bu
məbləğin üstünə gəl. bəs qalan 140 milyon manat və bu məbləğin üstünə
gələcəyiniz o istisna etdiyiniz paralar? Onlar hara getdi, kimin cibinə girdi?
Özünüz
də demisiz ki, 2011-ci ilin əvvəlində azarkeşlərin ixtiyarına verilən
İstanbulun “Türk Telekom Arena” stadionu 160 milyon avroya başa gəlib. Bu da
200 milyon dollardan bir qədər çox edir, amma sizin üçün yazım ki, arenanın
“wikipedia” səhifəsində bu stadionun 250 milyon dollara başa gəldiyi deyilir.
Olimpiya stadionu olmamasına baxmayaraq, belə bir möhtəşəm arena 250 milyon
dollara istifadəyə verilib. Bunun Olimpiya quyruğu da lap etsin 250 milyon
dollar, yəni bütün xərci iki dəfəyə vurduq. Yenə ümumi məbləğ gəlib 500 milyon
dolları keçmir. Yenə ortaya həminki sual çıxır: Niyə 640 milyon manat? Bəs 640
milyon manat nə qədər dollar edir? 815 milyon dollardan çox. Görün ortada nə
qədər pul kim(lər)insə cibinə gedir?! Bütün bunlaz azmış kimi, Məmmədov
815 milyon dolların az olduğunu və bunun arta biləcəyini də istisna etməyib.
Məmmədov, heç bilirsiz ki, siz nədən danışırsız, harada yaşayırsız? Sizə
gözlərimlə gördüyüm bir hadisəni çatdırım. Bu Olimpiya stadionunuzun tikintisi
üçün 815 milyon dollarından uf demədən keçən SOKAR-ın balansında olan Mərkəzi
Neftçilər Xəstaxanasında bir nəfər (bu hadisə 2009-cu ilin dekabr ayında
yaşanıb) anasının qan analizinə xərcələnəcək 81 manat üçün diz çöküb xəstəxana
rəhbərliyinə yalvarırdı ki, cibində olan 48 manatı onlara versin, qalan pulu
yoxdu, 33 manatı ona güzəşt etsinlər, amma ona rəhmi gələn olmadı. Qan analizi
çox təcili olmalıydı, yoldaş hətta mobil telefonunu da verdi, amma qəbul
etmədilər. Yalnız mənim kimi kənarda olanlar “atışaraq” onun 33 manatını
düz-qoş etdilər. Hətta xəstaxana işçiləri bunu da bizə irad tutdular. Sizin bu
SOKAR-ınız 33 manat pulu sadə, məzlum vətəndaşına qıymır, amma onun özünün,
atasının, anasının, balalarının da pay sahibi olduğu, vətəninin, xalqının
sərvəti olan neftdən 815 milyon dolları heç nə olmayıbmış kimi biz stadionun
tikintisinə xərcləyirsiz. Hələ bu azmış kimi, arsızcasına bu məbləğin az
olduğunu da deyirsiz?.. Bax buna görə də atalar çox yaxşı deyib ki, utanmayanda
oynamaq çox asan olur.
ELNUR,
P.P.S. Maraqlıdır, görəsən, SOKAR neçə milyon dollar üçün əl sıxışıb?
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |