Kamran Quliyev: "Bundan artığını istəyə bilmərik"

20.05.2021 | 4352 dəfə oxunub

Premyer Liqanın 28-ci turunun “Qarabağ”la oyunundan sonra “Neftçi”nin prezidenti Kamran Quliyev jurnalistlərin suallarını cavablandırıb.

- “Neftçi” 7 illik hegemonluğa son qoydu. Çempionluq necə hisslərdir? Danışmırdınız, son matçı gözləyirdiniz...

- Danışılası bir vəziyyət də deyil. Deməyə də güc qalmayıb. Amma həmd olsun Allaha. Ürəkdən təbrik edirəm. Bu, “Neftçi”yə sevgi-məhəbbətlə yanaşan hər insanın, ürəyi “Neftçi” ilə döyünən hər kəsin qələbəsidir. Bu gün biz uzun müddətdən, uzun fasilədən sonra yenə də zirvədəyik. “Neftçi” axırıncı dəfə 2013-cü ildə çempion olub. 8 il qələbə, 1-ci yer həsrətində olan bizim azarkeşlərə sadəcə “əhsən” deyirəm.

- “Qarabağ”ın hegemonluğuna son qoymaq çox çətin oldu?

- Bizim bugünkü rəqibimizin müəyyənləşdiyi səviyyə o qədər yüksək idi ki, ona bir addımla, bir hərəkətlə çatmaq mümkün deyildi. Biz davamlı, yavaş-yavaş, addım-addım buna nail olduq. Uğurlu dönəmdən sonra “Neftçi” çox çətin durumda idi. Bu müddətdə klubda işləyən hər kəsin, əvvəlki rəhbərlər, Müşahidə Şurası, Elnur Məmmədov, Orxan Hüseynzadənin bu qələbədə payı var. Bizim bu mövsüm başlayanda idman direktorumuz Ceyhun Sultanov, baş məşqçimiz Füzuli Məmmədov, əvvəlki çalışdırıcımız Roberto Bordin – hər kəsin bunda payı var. Onlara sadəcə mesaj yollamaqla deyil. Hər kəsin bunda payı var. Başda azarkeşlər olmaqla. Bizim sponsorlar, bizə dəstək olan hər kəs, “Neftçi” camiəsi deyərdim. Təkcə bizim azarkeşlər deyil, ürəyi bizimlə döyünənlər, bir də bizim qəhrəmanlar. Qəhrəmanlar deyəndə klubumuzda çalışan hər kəsi nəzərdə tuturam. Hər əməkdaşdan baş məşqçiyə qədər.

- Son dəqiqələr çətin keçdi. Qələbə qazanılacağına inam var idi?

- Təbii ki. Oyunun gedişatı elə idi ki, hər iki komanda qol vura bilərdi. Bu gün “Neftçi”sevərlərin üzü gülür. O deməkdir ki, qismətimizdə bu var idi. “Neftçi”nin ruhu, gücü hamının göz qabağındadır.

- Samir Abasov baş məşqçi postunda qalacaq?

- Siz zarafat edirsiniz? Təbii ki. Bir neçə günə Müşahidə Şurasının iclası olacaq. Biz hesabat verməliyik. Həm şura, həm ictimaiyyət qarşısında bunu etməliyik. Çempionlar Liqasını indi düşünmürəm, amma sabahdan bütün əhval-ruhiyyəni bir kənara qoyub, gizlədəcəyik. Yenə iş başında olacağıq.

- Heyət gücləndiriləcək?

- Təbii ki. Çempionlar Liqası başqa səviyyədə olan yarışdır. Biz çalışacağıq ki, güclü heyət formalaşdıraq.

- Futbolçuların uğurlu nəticələri sponsorları daha çox xərcə salmayacaq ki?

- Sponsorlar həmişə kluba dəstək olub. Bundan artığını istəyə bilmərik. Çünki çətin durumdur. Ölkədə böyük hadisə baş verib. Torpaqlarımızı azad etmişik. İndi bütün ölkə bir az çətin durumdadır. Əlavə yük istəmirik. Ötən ildən indiyədək müəyyən qədər büdcəmizdə ixtisar da eləmişik. Amma faydalı iş əmsalı yüksək olub.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail