"Qəbələ"nin meneceri: "Məşqçilər korpusunda dəyişiklik olacaq"
“Qəbələ” klubunun baş meneceri Zaur Əzizovun klubun rəsmi saytına müsahibə verib. Stadium.az həmin müsahibəni təqdim edir:
- "Qəbələ" klubunun qış fasiləsi üçün hazırlıq planı necədir?
- Komandamız ayın 9-da Qəbələdə bir araya gələcək. Ertəsi gündən etibarən isə məşqlərə start veriləcək. Ayın 19-a qədər hazırlıqlar doğma şəhərdə davam edəcək. Daha sonra isə toplanışın ikinci mərhələsi üçün Antalyaya yollanacağıq. Yanvarın 19-dan fevralın 4-ə qədər olacaq toplanış zamanı ən azı 5 yoxlama oyunu keçirməyi planlaşdırırıq. Qazaxıstanın "Atırau" ve Ukraynanın "Krivbass" klubları ilk oyunlarda rəqiblərimiz ola bilər. Son oyunumuzu fevralın 3-ə planlaşdırırıq.
- Heyətdən hansısa futbolçuların göndərilməsi və yeni futbolçuların cəlb edilməsi gözlənilirmi?
- Heyətdə ciddi dəyişiklik olmayacaq. Baş məşqçimiz Fatih Kavlak hazırda heyətdə olan futbolçulardan hansısa birini göndərməyi düşünmür. Yalnız əsas heyətdə daim oynaya bilməyən futbolçulardan kimsə komandamızı tərk etmək istəsə, bu barədə düşünə bilərik. Eyni zamanda 1 və ya 2 əcnəbi futbolçu almağı planlaşdırırıq. Serje Cehua ile yolları ayırdığımız üçün hücumçuya ehtiyac duyuruq. Bu yöndə çalışmalara başlamışıq. Toplanışın ilk gününə qədər məsələni bitirməyə çalışacağıq.
- Fatih Kavlakın hansı müddətə baş məşqçi postunda qalması
planlaşdırılır?
- Toni Adamsın gedişindən sonra komandamız Fatih Kavlaka etibar olunub və ən azı bu mövsümün sonuna qədər türkiyəli mütəxəssis baş məşqçi postunda qalacaq. Təbii ki, futbolda nəticələr əsas tutulduğundan komandanın gələcək planları məhz bu mövsümün yekunlarına əsasən müəyyən olunacaq.
- Məşqçilər korpusunda dəyişikliklər gözlənilirmi?
- Məşqçilər korpusunda dəyişiklik olacaq. Kavlakın istəyinə əsasən daha bir məşqçi ilə anlaşacağıq. Yaxın günlərdə bu barədə məlumat verəcəyik. Eyni zamanda komandamızda fəaliyyət göstərən iki ingilis fizioterapevtdən biri olan Nikolas Cenkinson da sonuncu matçdan öncə istefa ərizəsini kluba təqdim etdi. Yəqin ki, bu vəzifəyə yerli mütəxəssislərdən birini cəlb edəcəyik.
- Adamsın klubda hansısa vəzifə tutacağı barədə yayılan məlumatlara münasibətiniz necədir?
- Adams baş məşqçi postunu tərk etsə də, onunla mütəmadi olaraq əlaqə saxlayırıq. Hazırda ölkəsində istirahətdədir. Yeni ilin ilk günlərində klubda gələcək fəaliyyəti ilə bağlı məsələyə aydınlıq gəlməlidir. Əgər komandamızda işini davam etdirsə, konkret hansı vəzifə tutacağı yalnız müzakirələrdən sonra bəlli olacaq. Təbii ki, istənilən klubda Toni Adams kimi nüfuzlu futbol adamına ehtiyac var.
- Cehuanın komandadan gondərilməsinə nə səbəb oldu?
- Məşqçilər korpusunun kluba təqdim etdiyi hesabata əsasən onun müqaviləsinin uzadılmaması qərara alındı. “Qarabağ”la matçdan öncə də bu barədə özünə məlumat verildi.
- Mahir Şükürovun “Qəbələ”dəki gələcək taleyi necə olacaq?
- Mahir komandamızın kapitanı kimi “Qəbələ azarkeşlərinin və eləcə də klub rəhbərliyinin, məşqçilər korpusunun ondan nələr gözlədiyini gözəl başa düşür. Özü də bilir ki, komandamıza daha artıq xeyir verə bilər. Futbolsuz qaldığı dönəmdə də daim komandanın yanında olurdu və futbolçulara dəstək verməyə çalışırdı. Növbəti rəsmi matçdan etibarən isə artıq meydançada komandanı kapitan kimi arxasınca aparmalıdır və biz ondan bunu gözləyirik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |