"Beşiktaş"dan imtina edən “Xəzər Lənkəran”da! MÜSAHİBƏ
"Xəzər Lənkəran"ın yeni transferi Elias Ribeyro mətbuata müsahibə verib
Ölkəmizə xoş gəlmisən. Öncə məlumat verərdin ki, gəlişin necə baş tutdu?
- “Xəzər Lənkəran”dan çox yaxşı təklif aldım və bura gəldim. Azərbaycana tarix yazmaq üçün gəlmişəm. Hazırda əla motivasiyalıyam və əlimdən gələnin ən yaxşısını etməyə çalışacam. Bax, gəlişim belə baş tutdu.
Rəsmi müqaviləyə imza atdın? Eşitdiyimə görə, klubun ofisində olmusan, ancaq sözləşmə imzalamamış oranı tərk etmisən.
- Xeyr, elə bir şey olmayıb. Artıq klubla müqavilə imzalamışam. Müqavilənin müddəti 1,5 illikdi.
Bilirəm ki, transferin elə də asan reallaşmadı. İlk vaxtlar müəyyən problemlər oldu və hətta bir ara keçidin alınmaması ilə bağlı xəbərlər də çıxdı. Məsələ niyə bu qədər uzandı?
- Elə bir ciddi problem olmadı. Mən özüm “Xəzər Lənkəran”da oynamağa razı idim. Sadəcə, “Atletiko Paranaense” ilə arada xırda detallar var idi ki, onları həll etdik. Hər şey çox asan həll olundu. Artıq hər şeyi danışmışıq, vəziyyət qaydasındadı. Gecikmənin əsas səbəbi bu idi.
Yeni komandanın oyununa baxdın. Nə gördün?
- İlk baxışdan məndə yaxşı təəssürat oyatdı. Komanda səfərdə çempionatın liderinə qarşı oynayırdı. Əlbəttə, çatışmazlıqlar var. Amma nəzərə almaq lazımdı ki, komandada yeni futbolçular var. Onlar uyğunlaşmalıdı. Mən də “Xəzər Lənkəran”a kömək etmək üçün burdayam. Əlimdən gələni edəcəm. İnanıram ki, komanda oyundan oyuna inkişaf edəcək.
Deyirsən ki, komandaya kömək edəcəksən. Hazırda “Xəzər”də sənin oynadığın mövqedə problem nəzərə çarpır. Oyunqurucu yoxdu. Bu çatışmazlığı aradan qaldıra biləcəyinə əminsən?
- Hər şeyi bilirəm. Bura niyə gəldiyimi, komandaya lazım olduğumu. Mən peşəkar futbolçuyam. İşim meydanda hücumçulara qol vurmağa kömək etməkdi. Komandada hansı çatışmazlığın olduğunu bilirəm. Ona görə də çalışacam, bu problem aradan qaldırım.
Azərbaycan çempionatında braziliyalı futbolçular çoxdu. Onlardan kimi tanıyırsan?
- “Qəbələ”nin qapıçısı Dieqo Kostanı tanıyıram. Məndən əvvəl burda dostum Rodriginyo çıxış edib. “Xəzər Lənkəran”dan isə təkcə Deyvid Sakkonini tanıyıram. Bilirəm ki, o da bura təzə gəlib. Ümidvaram ki, yaxın gələcəkdə kollektivdə yer alan oyunçularla münasibət yaranacaq.
Bura gəlməzdən öncə həmin braziliyalılardan məsləhət aldınmı? Sənə nə dedilər?
- Əlbəttə, Azərbaycana səfərimdən öncə Deyvidlə danışıb, ondan lazımı informasiyanı almışam. O da mənə bura gəlməyi məsləhət gördü.
Əyalət klublarına gələn legionerlər Bakını görəndən sonra burda qalmaq istəyirlər. Azərbaycanda olduğunu müddətdə, sən harda yaşayacaqsan, Lənkəranda, yoxsa paytaxtda?
- Təzə gəldiyim üçün hələlik evim yoxdu. Oteldə qalıram. Çox güman ki, Lənkəranda yaşayacam. Mənə deyiblər ki, orda şərait yaxşıdı yaşamaq olar.
Okeanın o tayından gəlmisən. Azərbaycan və Braziliya çempionatları arasındakı fərq də ölkələr arasındakı məsafə qədərdi?
- Təbii ki, arada müəyyən fərqlər var. Məsələn, burda komandalar daha çox taktiki cəhətdən güclüdülər. Braziliyada isə futbolçulara meydanda tam sərbəstlik verilir. Fərdi ustalıq ön plana keçir. Azərbaycan çempionatı inkişafdadı. İnanıram ki, ildən-ilə daha da yaxşı olacaq. “Xəzər Lənkəran”ın heyətində debüt etmək üçün səbirsizlənirəm. Çox motivasiyalıyam, oynamaq istəyirəm, kömək etmək istəyirəm. Mən uğur qazanmaq, fanatları sevindirmək üçün hər şey edəcəm. Düzdür komandaya gec qoşulmuşam. Amma bu məndən asılı səbəb deyildi. İlk gündən “Xəzər Lənkəran”da oynamağa razılıq vermişdim.
"Sport Favorit"
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |