Roman Qriqorçuk: "Ancaq bizə yazığı gələn olmadı" - MÜSAHİBƏ

22.09.2016 | 2929 dəfə oxunub

"Qəbələ"nin baş məşqçisi Roman Qriqorçuk Premyer Liqasında III turdan təxirə salınmış "Sumqayıt"la oyundan (2:0) sonra jurnalistlərin suallarını cavablandırıb.

- Qarşılaşmadan öncə qapının yanında düşüncəli görünürdüz. Həmin anda nə barədə düşünürdüz?

- Hər şeyi beynimdə fırladırdım. Həmişə belə edirəm. Həm öz futbolçularımı, həm rəqibi izləyirdim. Bunu etməyi sevirəm.

- İlk “11-lik”də müəyyən eksperiment etmişdiniz. Lakin komanda qol vura bilməyincə aparıcı oyunçuları meydana buraxdınız...

- Birinci hissədə strateji cəhətdən düzgün oynamadıq. Rəqib böyük qüvvəylə müdafiə olunduqda, daha sürətli və cəsarətli oynamalıydıq. Biz isə daha çox topu nəzarətdə saxlayırdıq. Fasilədə bunu oyunçulara başa saldım. Söhbət əvəzetmədən oyuna daxil olanlardan getmir. Bütün komandadan danışıram. Sevindiricidir ki, gənclər ikinci yarıda onlardan istədiyimi verdilər.

- Qarşıda daha bir çempionat oyunu, ardınca “Maynts”la görüş gəlir. Ardıcıl meydana çıxmaq çətindir?

- Əlbəttə, ağırdır. Amma heç vaxt bundan şikayətlənməyəcəm. Avroliqada oynayan komandanın belə qrafikdən şikayətlənmək ixtiyarı yoxdur.

- Hazırda Rəşad Sadıqov və Bədavi Hüseynovdan başqa futbolumuzda aparıcı mərkəz müdafiəçisi yoxdur. Bu gün Murad Musayevə şans verdiniz. O, gələcəkdə yığmamıza fayda verə bilər?

- Azərbaycan yığmasında peşəkar mütəxəssislər çalışır. Onlara məsləhət vermək niyyətim yoxdur. Murada gəldikdə o, bu gün meydanda xeyli iş gördü. O, üzərində çalışır.

- “Qəbələ” bu gün qələbə qazanmaqla lider oldu. Bu məqam oyundan əvvəl futbolçularda psixoloji təzyiq yaratmışdı?

- Oyundan əvvəl futbolçulara bu barədə danışdıq. Çempionat yeni başlayıb. Ancaq istənilən halda, bu, xoş duyğudur.

- “Sumqayıt”ın baş məşqçisi ilk qolun ofsayddan vurulduğunu iddia edib, ədalətsiz məğlubiyyətlə üzləşdiklərini deyəcək. Nəzərə alsaq ki, ötən mövsüm analoji hallarla kifayət qədər üzləşmisiniz, Samir Abasova yazığınız gəlmir?

- Ötən mövsüm biz də 15-18 xaldan məhrum olduq. Ancaq bizə yazığı gələn olmadı. Dayandığım yerdən ofsaydın olub-olmadığını görə bilməzdim. Yəni, bu sualı şərh edə bilmirəm. 

- Oyundan sonra futbolçularınız istidən şikayətləndilər. Olmazdı ki, oyun 17:00-da deyil, daha gec başlayaydı?

- Haqlısınız. Oyunun başlama vaxtını təyin edəndə hava şəraiti nəzərə alınmalıdır. Gələcəkdə bu məsələdə daha diqqətli olmaq lazımdır.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail