“Baku Fires” sabah döyüşə çıxır - FOTOLAR

04.02.2016 | 3959 dəfə oxunub

Ümumdünya Boks Seriyasında mübarizə aparan “Baku Fires” klubu sabah yeni mövsümdə ikinci görüşünə çıxacaq. 

Stadium.Az xəbər verir ki, komandamızın rəqibi “Uzbek Tigers” olacaq. 

Bu gün hər iki komandanın baş məşqçilərinin və boksçularının iştirakı ilə çəki mərasimi və mətbuat konfransı keçirilib. Döyüşün supervayzeri Patt Fiakko ötən il Avropa Oyunlarında Bakıda olduğunu xatırladaraq, yenidən şəhərimizə gəlməkdən məmnunluğunu ifadə edib.

Qonaqların baş məşqçisi Rovşan Xocayev Özbəkistanın WSB-yə yeni qoşulduğunu deyərək, debüt mövsümündə güclü rəqiblərlə üz–üzə gələcəklərini bildirib: “D qrupunda “Baku Fires” və "Astana Arlans" kimi güclü rəqiblər var. Əminəm ki, ən maraqlı  və gərgin görüşlər məhz bizim qrupda olacaq”. 

Xocayev ilk turda səfərdə Puerto Riko komandasını 5:0 hesabı ilə məğlubetmələrinin təsadüfi olmadığını vurğulayıb: “Biz çempionata yaxşı hazırlaşmışıq. Kubada bu ölkənin boksçuları ilə təlim-məşq toplanışımız oldu. Ümid edirəm ki, "Baku Fires"lə qarşılaşmada əksər çəkilərdə məhz biz qalib gələcəyik”.

“Baku Fires”in baş məşqçisi Nuripaşa Talibov Özbəkistanda böyük boks ənənələri olduğunu qeyd edib. O, “Uzbek Tigers”in debütant olmasına baxmayaraq, D qrupunda ən güclüllərdən sayıldığını deyib: “İlk görüşdə səfərdə “Astana Arlans”a 1:4 hesabı ilə uduzduq. Hesab edirəm ki, Karaqandada 91 kq çəki dərəcəsində mübarizə aparan Hacı Murtuzəliyev rəqibinə məğlub olmayıb. Ümumilikdə isə etiraf etmək lazımdır ki, “Astana Arlans” son çempiondur və liqanın ən güclü klublarındandır”. 

Talibov adı iştirak ərizəsinə salınan Albert Səlimov və Abdulqadir Abdullayevin bu mövsümdə rinqə çıxıb-şıxmayacağı məsələsinə də toxunub. O, hər iki boksçunun milli komandanın düşərgəsində Macarıstanda beynəlxalq turnirdə olduqlarını xatırladıb. “Baku Fires”in baş məşqçisi Abdullayevin çox güman ki, Puerto Riko təmsilçisi ilə döyüşdə rinqdə olacağını deyib. 

Qeyd edək ki, komandamızın düşərgəsində hazırda yeni boksçu var. Super ağır çəki dərəcəsində çıxış edən ukraynalı Vladislav Sirenkonun 20 yaşı var. Hələki onunla müqavilə imzalanmayıb.

Xatırladaq ki, “Baku Fires – “Uzbek Tigers“ görüşü sabah saat 19-da Boks Mərkəzində start götürəcək.











 










Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail