Kamran Ağayev: "Antalyaspor"a keçməkdən özüm imtina etdim" MÜSAHİBƏ
Azərbaycan yığmasının və Türkiyənin "Karşıyaka" klubunun qapıçısı Kamran Ağayevin azerisport.azsaytına müsahibə verib.
- "Karşıyaka"da işləriniz necə gedir?
- Hər şey yaxşıdır. Komanda demək olar ki, tam yenilənib. Burada hər futbolçunu yeni saymaq olar. Bu baxımdan müəyyən çətinliklərimiz var. Eyni zamanda stadionumuzun qazonunda da problemlər var və oynamaq çətin olur. Amma bütün bunlara baxmayaraq, son turda "Şanlıurfaspor"la ev oyununda ilk qələbəmizi qazana bildik (1:0).
- Amma debüt matçınız olan "Adana Dəmirspor"la səfərdəki məğlubiyyətə (0:2) görə az qala siz ittiham olunurdunuz...
- Futbolla məşğul olan hər kəs məni başa düşə bilər. Mən buraxdığımız ikinci qol zamanı müdafiəçimizi sığortalamaq istəyirdim. Onsuz da mən önə çıxmasaydım, o, topa çatıb, mənimlə üz-üzə qalacaqdı. Topu kənara da vura bilərdim, amma rəqib futbolçuya dəyəcəkdi.
- Hər kəs sizin Türkiyə Super Liqasına, xüsusilə "Antalyaspor"a keçəcəyinizi gözləyirdi...
- "Antalyaspor"a keçməkdən son anda özüm imtina etdim. Məni daha yaxşı qiymətləndirən, önəm verən isə məhz "Karşıyaka" oldu. İzmir təmsilçisi mənə daha böyük hörmətlə yanaşdı. Antalyada isə bunu görmədim. "Karşıyaka" yaxşı klubdur. Bu mövsüm biz Super Liqaya vəsiqə qazana bilərik. Ona görə də Super Liqada oynamaq üçün şansım olacaq.
- Qarşıda Azərbaycan yığmasını Xorvatiya və Malta ilə vacib seçmə mərhələ oyunları gözləyir. Xüsusilə də, xorvatlar Bakıya çox güclü heyətlə gəlirlər...
- Bu, artıq Osiyekdəki oyunun təkrarı olmayacaq. Meydanda 11 futbolçu 11 nəfərə qarşı mübarizə aparacaq. Düzdür, orada 0:6 hesabı ilə uduzmuşduq. Amma bu, o demək deyil ki, ev oyununda da eyni hal təkrarlanacaq. Hər şey öz əlimizdədir. Mübarizə aparacağıq. Nəticə qazanmalıyıq.
- Malta ilə oyun kimi...
- Bu rəqibi məğlub etməyimiz lazımdır. Premyer Liqa matçlarını izləyirəm. Belə ciddi dəyişiklik yoxdur. Amma "Qarabağ"la "Qəbələ"nin Avropadakı çıxışını hamı görür. Biz də futbol oynamağı bacarırıq və bunu yenidən nümayiş etdirə bilərik.
- Azərbaycan yığmasının düşərgəsinə nə vaxt qayıdacaqsınız?
- Avqustun 29-da "Samsunspor"la oyunumuz var. Bakıya həmin oyundan sonra gələcəyəm.
- Cavid Hüseynovla bağlı hadisələri necə qarşıladınız?
- Çox məyus oldum. Bu hadisə olmamalı idi. O, elə insan deyildi. Heç kim əslində nə baş verdiyini dəqiq bilmir. Həyatdır. Rəhmətə gedən jurnalistin yaxınlarına səbr arzulayıram. Cavid Hüseynovun da bəraət qazanacağına ümid edirəm. Hamımız Cavidin kimin oğlu olduğun bilirik. Elə bir adamın oğlu bu cür edə bilməzdi.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |