Mariya Stadnik: “Oğlumu ərim yatırdırdı, mən məşq edirdim”
Azərbaycan Güləş yığmasının üzvü, Olimpiya oyunlarının gümüş və bürünc mükafatçısı, dünya və Avropa çempionu Mariya Stadnik Hindistan mətbuatına müsahibə verib.
Stadium.Az xəbər verir ki, xanım idmançımız yarışlardan və ailəsindən danışıb.
O, əvvəlcə bunları deyib: “Mənim ailəm uğurlarımın əsas səbəblərindəndir. Düşünmürəm ki, xüsusi nəsə etmişəm. Bir çox peşəkarlar ailəsini və işini eyni anda yaxşı idarə etməyi bacarır. Mən doğrudan güləşi çox sevirəm. İstedadım var və bundan yararlanmalıyam”.
Stadnik həyat yoldaşı Andreyin ona uğur qazanmasında kömək etdiyini bildirib:
“Andrey mənim özüməinamımın yaranmasında çox böyük kömək edib. Mənə özümdən çox inanır. Oğlum İqor dünyaya gələndə mən məşq etdiyim üçün uşağı Andrey yatızdırırdı. Mia doğulanda da həyat yoldaşım onun qayğılarını çəkirdi”.
Mariya ana olduqdan sonra güləşə qayıtmasından danışıb:
“Ana olduqdan sonra inanmırdım ki, yenidən idmanda uğur qazanacam. Çünki çəkim çox idi. Amma bunu bacardım. İlk Olimpiya medalı qazandığım zaman gənc idim. Sevinirdim. Pekində qazandığım medal xüsusi idi. Amma ana olandan sonra London-2012-də də 2-ci oldum. İnanmadığım bir medal idi”.
Xanım güləşçi son Olimpiadada – Rio-2016-da qazandığı gümüş medaldan razı qalmadığını sözlərinə əlavə edib:
“Rio-2016-da qazandığım gümüşdən razı qalmadım. Karyeramın pik nöqtəsində çempion olmalı idim. O yarışa çox hazırlaşmışdım”.
“Övladlarınız televiziyada sizin qarşılaşmaları gördükdə hansı reaksiyanı verir?” sualına Stadnik belə cavab verib: “Onlar medal görəndə bilirlər ki, evə qayıdacağam. Bu səbəbdən məni gözləyirlər. Uşaqlar mənim televiziyada etdiklərimi görəndə onu təkrarlayırlar. Məsələn, medalı götürüb dişləyirlər, yeməli olmadığını görəndə məyus olurlar”.
Mariya övladlarının idmanla məşğul olduğunu deyib:
“Oğlum hələ ki, futbol oynayır. Lakin onun bu məşğuliyyəti müvəqqətidir. Güləş isə onun qanındadır. Gec-tez güləşə qayıdacaq”.
Mariya 2020-ci ildə Tokioda qazanılacaq qızıl medalı belə həyatının ən qiymətli medalı saymayacağını bildirib:
“Mənim həyatımın ən böyük medalı ailəmdir. Heç bir əyarlı medal onlardan dəyərli deyil”. (Qafqazinfo.az)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |