Hanı o "mujik"? YAZI
Yenə kənardan baxacağıq, amma bu dəfə bir az da boynu bükük. Çünki bu dəfə Fransada çoxları olacaq. Çoxları olacaq, biz isə yox. AVRO-2016 hara, biz hara?
Bizdə Albaniya, Şimali İrlandiya, İslandiya, Uels kimi milli komanda yarada bilmədilər bu illər ərzində. Boş-boş danışdılar, milyonlarla pulu hara gəldi xərclədilər, amma düz-əməlli milli yarada bilmədilər. İndi isə cənabların hamısı çəkilib durublar kənarda. Elə bil millinin yenə autsayderlər sırasında olmasının günahkarı onlar yox, AFFA-nın keşikçisi, nə bilim sürücüsü və ya bir başqasıdır.
Axı, siz neçə illərdir deyirdiz ki, bütün fəaliyyətiniz AVRO-2016-nın final mərhələsinə düşməyə hesablanıb. Nə oldu? Hanı AVRO-2016? Hanı bu istiqamətdə havaya sovrulan milyonlar? AFFA-nın baş katibi Elxan Məmmədov indi çıxıb deyir ki, millinin başında lap əvvəldən Robert Prosineçki olsaydı, başqa nəticə ola bilərdi. Adama deyərlər ki, bəs biz bar-bar bağıranda ki, Foqtsu göndərib normal məşqçi gətirmək lazımdır, siz Elxan Məmmədov Berti Foqtsu dahi adlandırırdız, ona “mujik” deyirdiz, marketinq sahəsində mənimsədiyiniz biliklər sayəsində Foqtsun qardaşının mehmanxanasında milli üçün təlim-məşq toplanışları təşkil edirdiz, dövlətin pullarını almanlara peşkəş edirdiz. Nə tez unutduz?
O gün baxıram ki, AFFA prezidenti Rövnəq Abdullayev yenə millət vəkilliyinə namizədliyini irəli sürüb. Heç şübhəm yoxdur ki, seçiləcək. Sözüm odur ki, AFFA prezidenti kimi bu milləti saymırsa, heç olmasa millət vəkili kimi çıxsın bu camaatın qarşısına bizi başa salsın ki, niyə millimiz yenə autsayderdir, niyə U-21 millimiz 0:7 hesabı ilə məğlub olur, niyə U-19 və U-17 millilərimiz həmişəki kimi qapazaltıdır? Niyə, niyə, niyə...
O boyda AFFA-da bir nəfər yoxdur çıxıb desin ki, bu uğursuzluqların günahkarı mənəm, haqqınızı halal edin, mən getdim. Heç kim eləməz, heç kim deməz! Çünki hamı bilir ki, milli ilə bağlı bütün rəzalətlərin səbəbkarı Elxan Məmmədovdur. O, isə günahını boynuna alacaq, səhvini etiraf edəcək qədər böyük insan deyil! Onun kimilər həmişə sudan quru çıxmağa alışıblar.
AVRO-2016 nağılı bitdi. Yenisini uydurmaq üçün əla fürsətdi. DÇ-2018, AVRO-2020... O projedə də bir xeyli pulun başına daş salarsız, sonra da Robert Prosineçkini çıxardıb, yerinə gətirdiyiniz üçün deyərsiz ki, o, lap əvvəldən millinin başında olsaydı... Davam edin, bəylər. Onsuz da sizin verdiyiniz qərarlara sorğu-sual yoxdur!
Emin ABBASOV
P.S. AVRO-2016 nağılının ssenari müəllifi Elxan Məmmədov idisə, baş qəhrəmanı da Berti Foqts idi. Görəsən, indi hanı o “mujik”? Nə əcəb Berti Foqts Azərbaycandan gedəndən sonra bir iş tapmadı. Axı, AFFA rəhbərliyi ona dahi deyirdi...
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |